وێنه‌ی گاله‌ری

Login


Home
لادانی سیَكسی و خیانه‌تی ژن له‌ ژیانی خیَزانداریدا....– به‌شی دووه‌م Print E-mail
سامان محمد علی احمد
User Rating: / 1
PoorBest 
کۆمه‌ڵایه‌تی
Written by سامان محمد علی احمد   
Saturday, 02 February 2008 09:35

سه‌ره‌تا ,  پیَویسته‌ ئه‌و رِاستییه‌ بڵیَین كه‌ نه‌خۆشه‌ ئه‌قڵییه‌كان له‌ كۆمه‌ڵگاكه‌ماندا ,  زیاتر قوربانی ئاره‌زووه‌كانی سیَكسی لاده‌ری ده‌وروبه‌رن !!؟ , تا ئه‌وه‌ی , تاوانكار و ئه‌نجامده‌ری , سیَكسی لاده‌ر بن , دژ به‌ ده‌وروبه‌ره‌كه‌یان و كۆمه‌ڵگا !؟ . . .

27 – نه‌خۆشینه‌ ئه‌قڵییه‌كان و رِۆڵیان وه‌كو پاڵنه‌ر له‌ سیَكسی لاده‌ردا ؟ , لیَره‌دا  پیَویسته‌ ئه‌و رِاستییه‌ بڵیَین كه‌ نه‌خۆشه‌ ئه‌قڵییه‌كان , له‌ كۆمه‌ڵگاكه‌ماندا زیاتر قوربانی ئاره‌زووه‌كانی سیَكسی لاده‌ری ده‌وروبه‌رن !؟ , تا ئه‌وه‌ی , تاوانكار و ئه‌نجامده‌ری  سیَكسی لاده‌ر بن , دژ به‌ ده‌وروبه‌ره‌كه‌یان و كۆمه‌ڵگا !؟ , وه‌ به‌هۆی ئه‌وه‌ی كه‌ ئه‌سته‌مه‌  خیَزانه‌كان بتوانن چاودیَریی ورد و ده‌شت و ده‌ری تاكه‌ نه‌خۆشه‌ ئه‌قڵییه‌كانیان بكه‌ن , رِیَژه‌ی هه‌ره‌ زۆری ئه‌م نه‌خۆشانه‌ش به‌هۆی سروشتی نه‌خۆشینه‌كانیان , به‌رده‌وام له‌ جوڵه‌ و گه‌رِاندان ؟! , بۆیه‌ به‌ ئاسانی ده‌بنه‌ نیَچیری مرۆڤه‌ گورگه‌كان – لاده‌ر و ئاڵووده‌بوو , وه‌ تاوانكاران ؟! ,  له‌زۆر جیَگه‌ش ده‌نگۆی ئه‌وه‌مان بیست , كه‌ كچ یان ئافره‌تی نه‌خۆشی ئه‌قڵی و كچه‌ مه‌نگۆله‌كان رِووبه‌رِوی توندوتیژی جه‌سته‌یی به‌ربه‌ریانه‌ ده‌بنه‌وه‌ ؟یان به‌ستنه‌وه‌ له‌ماڵاندا وه‌كو ئاژه‌ڵی درِنده‌ ؟! , یان هه‌ندیَكیان نه‌شته‌رگه‌ری ده‌رهیَنانی منداڵدانی بۆ كراوه‌ , یان ئامرازی تری به‌ربه‌ستی زگپرِبوون !! , بۆ ئه‌وه‌ی هه‌ر هاتو بوو به‌ نیَچیری لاده‌ره‌ درِنده‌كان ؟! زگی پرِنه‌بیَت ؟! .. پیَویستیشه‌ ئه‌و رِاستییه‌ بڵیَین لیَره‌دا , كه‌ زۆربه‌ی گله‌ییه‌كان ئاراسته‌ی ده‌وڵه‌ت یان ده‌سه‌ڵاته‌كه‌مان ده‌كه‌ینه‌وه‌ ؟ , به‌هۆی نه‌بونی نه‌خۆشخانه‌یه‌كی شیاوی نه‌خۆشینه‌ ئه‌قڵی و ده‌روونیه‌كان بۆ ئه‌وه‌ی ئه‌م نه‌خۆشانه‌ له‌خۆ بگریَت و ئه‌ركی سه‌رشانی خیَزانه‌كانیان سوكتركات , ئه‌م گله‌ییه‌ش له‌و رِاستیه‌وه‌ رِیَچكه‌ ده‌گریَت كه‌ هه‌موو نه‌خۆشیَكی ئه‌قڵی یان ده‌روونی  , لانیكه‌م پیَویستی  به‌ خزمه‌تكردن ده‌بیَت , له‌ لایه‌ن سیَ كه‌سی به‌رهه‌م هیَنه‌وه‌ , به‌ واتایه‌كی تر ,  كۆمه‌ڵگا بیَبه‌ری ده‌بیَت له‌ ووزه‌ و توانای به‌رهه‌م هیَنانی چوار تاكی ( به‌نه‌خۆشه‌كه‌شه‌وه‌ ) ؟! به‌هۆی خزمه‌ت كردنی تاكیَكی نه‌خۆشی ئه‌قڵی ؟! . ( له‌ زۆر خیَزاندا وه‌ به‌هۆی سروشتی بۆماوه‌یی نه‌خۆشینه‌ ئه‌قڵیه‌كانه‌وه‌ , كه‌م تا زۆر بشیَوی ئه‌قڵی و ده‌روونی له‌ هه‌ندیَك ئه‌ندامی تری خیَزانه‌كه‌دا به‌دی ده‌كریَت , بۆیه‌ له‌زۆربه‌ی ئه‌و خیَزانانه‌دا نه‌خۆشیَكی ئه‌قڵی قووڵ ؟ ,  پیَویسته‌ ؟! , بۆ ئه‌وه‌ی بكریَت به‌ ته‌ناف له‌لایه‌ن ئه‌ندامانی تری خیَزانه‌كه‌وه‌ و رِه‌فتاره‌ نه‌شیاوه‌كانی خۆیانی پیَدا هه‌ڵبواسن !! , له‌م جۆره‌ خیَزانانه‌دا ,  زۆر جار له‌به‌رژه‌وه‌ندیاندایه‌ كه‌ نه‌خۆشه‌كه‌ چاك نه‌بیَته‌وه‌ ؟! , بۆ ئه‌وه‌ی ئه‌و ته‌نافه‌ ؟! ,  وه‌كو پاساو بمیَنیَته‌وه‌ بۆ هه‌ڵس و كه‌وتی لاده‌ر و نه‌شیاوی ئه‌ندامانی تری خیَزانه‌كه‌ ؟! , بۆیه‌ له‌م حاڵه‌تانه‌دا به‌رپرسیاریَتی ده‌وڵه‌ت ,  بۆ ده‌ست به‌سه‌ردا گرتنی نه‌خۆشه‌كه‌ و گواستنه‌وه‌ی بۆ نه‌خۆشخانه‌یه‌كی ئه‌قڵی ,  ئه‌ركیَكی پیرۆزه‌ و جیَگای ده‌ست خۆشی ده‌بیَت ؟! , چونكه‌ زۆر جار رِزگاركردنی نه‌خۆشه‌كه‌یه‌ له‌ ده‌ستدریَژی سیَكسی كه‌سه‌ نزیكه‌كانی یان به‌كارهیَنانی نه‌خۆشه‌كان به‌مه‌به‌ستی سواڵكردن یان تاوان ( له‌ دوای پرۆسه‌ی رِزگاری عیَراقه‌وه‌ تیرۆریستان كچ و كورِه‌ مه‌نگۆل و دواكه‌وتوی عه‌قڵی وه‌ نه‌خۆشه‌ عه‌قڵییه‌كان , له‌ گه‌ڵ نه‌خۆشه‌ ده‌روونیه‌ قوڵه‌كان , له‌ زۆر جیَگه‌ به‌كار ده‌هیَنن وه‌كو ئامیَری بۆمبرِیَژكراو و له‌ بازارِ و جیَگه‌  قه‌ره‌باڵغه‌كاندا ده‌یانته‌قیَننه‌وه‌ !!!؟) ..  بۆ ئه‌م ده‌ستدریَژیانه‌ش كیَشه‌كه‌ له‌وه‌دایه‌ كه‌ ئه‌وه‌ی لیَره‌دا توشی ده‌ستدریَژییه‌كه‌ ده‌بیَته‌وه‌ ( لیَره‌دا نه‌خۆشه‌ ئه‌قڵی و ده‌روونییه‌كان )  ووته‌و سكاڵایان به‌هه‌ند وه‌رناگیریَت و له‌رِوی یاساییه‌وه‌ له‌ مافه‌ كه‌سییه‌كان بیَبه‌رین به‌ هۆی تایبه‌تمه‌ندی نه‌خۆشینه‌كانیان ) ؟؟!

  له‌ هه‌ندیَك له‌و نه‌خۆشینانه‌دا , وه‌كو كه‌رت بونی كه‌سایه‌تی – شیزوفرینیا , یان خه‌ره‌ف – خه‌رِۆبوون ؟! , چی خه‌ره‌فی پیری و چی خه‌ره‌فی پیَش وه‌خت , لادانی سیَكسی , رِه‌فتار و كاردانه‌وه‌یه‌كی ئاشكرایه‌ و زۆر جار كه‌سه‌ نزیكه‌كانی نه‌خۆشه‌كه‌ دوچاری نه‌هامه‌تی ده‌كات ؟! , له‌ یه‌كیَك له‌ حاڵه‌ته‌كانی شیزوفرینیا له‌ جۆری هیبفرینیا له‌ زیندان , و پاش لیَكۆڵینه‌وه‌ له‌ژیانی رِابوردو و منداڵی سزادراوه‌كه‌ و شیَوازه‌كانی ئه‌نجامدانی تاوانه‌كانی ( به‌ تاوانی كوشتن سزادرابوو ) . بۆمان ده‌ركه‌وت كه‌ سزادراوه‌كه‌ هه‌ر له‌ منداڵییه‌وه‌ كه‌سایه‌تییه‌كی نائاسایی بوو ؟ , له‌هه‌مانكاتدا , له‌ژینگه‌یه‌كی خیَزانی ناله‌بار و توند و تیژدا به‌ خیَوكرابو , وه‌ تا رِاده‌یه‌كیش ئه‌توانین برِوا بیَنین به‌وه‌ی كه‌ له‌و منداڵیه‌دا به‌هۆی باری نائاسایی كه‌سایه‌تییه‌كه‌ی و چه‌وساندنه‌وه‌ و توند و تیژیه‌وه‌ , نیَچیریَكی باش بوبیَت بۆ ئاراسته‌كردنی لادانی سیَكس به‌رامبه‌ری , له‌ ژینگه‌كه‌یدا ؟! . میَژوی منداڵی ئه‌و سزادراوه‌ چه‌نده‌ها كیَشه‌ی ئاگركردنه‌وه‌ و سوتاندنی له‌وه‌رِ و موڵكی خه‌ڵكی تری تیَدابوو . بیَجگه‌ له‌ زۆر جۆری تری  كیَشه‌ و تاوان , هه‌روه‌ها بۆمان ده‌ركه‌وت كه‌ له‌ خیَزانه‌كه‌یدا و له‌ هه‌ردوو سه‌ری دایك و باوكیه‌وه‌ ,  چه‌نده‌ها حاڵه‌تی نائاسایی و نه‌خۆشینی ئه‌قڵی هه‌بوون , ته‌نانه‌ت له‌ناو خوشك و براكانی ؟! , به‌هۆی كاری نزیك له‌ گه‌ڵ خودی سزادراویشه‌وه‌ بۆمان ده‌ركه‌وت كه‌ ماوه‌ی بیركه‌وتنه‌وه‌ی  بۆ رِوداوه‌كانی تازه‌ و ئیَستا ( له‌ سیَ خوله‌ك تیَنه‌ده‌په‌رِی ؟! ) , بۆ نمونه‌ , گه‌ر بمانهیَنایه‌ته‌ لای بۆری ئاوه‌كه‌ كه‌ ئاوی پیَدا نه‌ده‌هات ؟! , و بمانگه‌رِاندایه‌ته‌وه‌ بۆ گۆرِه‌پانه‌كه‌ بۆ وه‌رزش كردن , ته‌نها پاش دوو خوله‌ك و نیو یان نزیكه‌ی سیَ خوله‌ك ده‌گه‌رِایه‌وه‌ لای بۆرییه‌كه‌ و ده‌می پیَوه‌ ده‌نا ( چه‌ند جاریَك ئه‌مه‌ی دووباره‌ ده‌كرده‌وه‌ ) . ( واته‌ الزاكره‌ قریبه‌ الامد ) ته‌نها بری سیَ خوله‌كی ده‌كرد و له‌ سیَ خوله‌ك تیَپه‌رِی بكردایه‌ , بیری ده‌چوو بۆرییه‌كه‌ ئاوی پیَدا نایه‌ت و ده‌می پیَوه‌ ده‌نا ؟! . بیر كه‌وتنه‌وه‌ی دوره‌ مه‌ودایشی ( الزاكره‌ بعیده‌ الامد ) , بۆ رِوداوه‌كان و ژیانی خۆی له‌ ساڵی 1991 دا چه‌قی به‌ستبوو ( سزادراوه‌كه‌ له‌دایك بوی 1972 یان 1973 بوو ) , وه‌ هه‌ر زانیاریه‌كی تری دوای ئه‌و به‌رواره‌ , ته‌نها خستنه‌ سه‌رزار و دوباره‌ كردنه‌وه‌ی سه‌رپیَی ووته‌كانی ده‌وروبه‌ری بوو , ئه‌م سزادراوه‌ , كه‌ له‌گۆره‌پانی زیندان به‌مه‌به‌ستی دابه‌زاندنی كیَش و رِاهیَنانه‌وه‌ یاری تۆپی پیَمان له‌گه‌ڵ ده‌كرد ( ته‌نها تویَژه‌ر و سزادراو ) , بۆمان ده‌ركه‌وت كه‌ تواناكانی ئه‌قڵی له‌ به‌دوادا چونی تۆپه‌ جوڵاوه‌كان ,  زۆر نزم بوو ,  وه‌ به‌ رِیَكه‌وت پیَی به‌ر تۆپیَكی جوڵاو ده‌كه‌وت ؟! , به‌ پیَچه‌وانه‌ی تۆپه‌ وه‌ستاوه‌كان ؟! , بۆیه‌ گه‌یشتینه‌ ئه‌و برِوایه‌ی موتابه‌عه‌ی سزادراو بۆ ئامانجه‌ ( هه‌ده‌فه‌ ) جوڵاوه‌كان زۆر لاوازه‌ ( متابعه‌ الاهداف المتحركه‌ !؟ ) ..

به‌ به‌رده‌وامی گویَی له‌ ده‌نگی چۆله‌كه‌ بوو له‌ گویَچكه‌یدا و دوو كه‌سایه‌تیش له‌زۆربه‌ی كاته‌كاندا هاوده‌می بوون , زۆر جاریش له‌ لوتكه‌ی حاڵه‌ته‌كه‌یدا , هاواری ده‌كرد و ترسیَكی زۆری لیَ ده‌نیشت , گوایه‌ كه‌سیَك یان ماریَك یان جنۆكه‌یه‌ك به‌نیازه‌ بیكوژیَت و ئیشاره‌تی ده‌كرد بۆ جیَگه‌یه‌ك كه‌ كه‌سه‌كه‌ی تیَدایه‌ , به‌ڵام دیار بوو ئه‌وه‌ی ئه‌و دیتوانی بیبینیَت , له‌ توانای ئیَمه‌دا نه‌بوو ؟!! ( هلاوس - Hallucinations و اوهام - Delusions ) . (  له‌ ناوه‌رِاستی ساڵی 2004 دا تا سه‌ره‌تای ساڵی 2005 له‌ نزیكه‌وه‌ كارمان له‌گه‌ڵدا كرد , هه‌رچه‌ند تا ئیَستاش له‌ زینداندایه‌ , ئه‌وه‌نده‌ی ئیَمه‌ زانیاری له‌ ئه‌وه‌وه‌ فیَربوین ئه‌وه‌نده‌ ئه‌و له‌ ئیَمه‌ فیَر نه‌بوو ؟! ) . .

له‌ ناو زینداندا له‌ رِۆژه‌كانی سه‌ردانی سزادراواندا له‌ لایه‌ن خیَزانه‌كانیانه‌وه‌ , هه‌ندیَك خیَزان منداڵه‌كانیان له‌گه‌ڵ خۆیان ده‌هیَنا , ئه‌م سزادراوه‌ش زۆر جار تیَبینیمان ده‌كرد , له‌ نزیكی منداڵه‌كانی خوار ته‌مه‌نی  ( 8 ساڵیه‌وه‌ ) كورِ یان كچ ؟! , رِاده‌وه‌ستا و یاری ده‌كرد به‌ كۆئه‌ندامی زاوزیَی به‌مه‌به‌ستی به‌تاڵكردنه‌وه‌ی ئاره‌زوی سیَكس ( ده‌ست په‌رِ یان ده‌ست گان ) , هه‌رچه‌ند به‌ گومان بوین له‌وه‌ی كه‌ , له‌توانای دابیَت بگاته‌ ئاستی چیَژ وه‌رگرتنی سیَكسی ( له‌زه‌ت ) له‌ كرداره‌كه‌ی ؟؟! .  بۆیه‌ , له‌ داهاتودا بریارماندا , رِۆژانی سه‌ردانی خیَزانه‌كان نه‌هیَنریَته‌ ده‌ره‌وه‌ له‌ هۆڵه‌كان ؟! , له‌به‌ر ئه‌وه‌ی مه‌ترسی بوو , بۆ سه‌ر ئه‌و منداڵانه‌ی له‌گه‌ڵ خیَزانه‌كاندا دهیَنران بۆ سه‌ردانی سزادراوانی تر , ئه‌مانه‌و زۆر تیَبینی تر رِۆشنایی ده‌خسته‌ سه‌ر تیَگه‌یشتنمان بۆ هۆكار و شیَوازی  ئه‌نجامدانی تاوانه‌كانی !؟ , پاشتر گه‌رِاین به‌ دوای كه‌س و كاری یه‌كیَك له‌ قوربانییه‌كاندا و جیَگای تاوانه‌كه‌ ؟؟ , بۆ زیاتر متمانه‌ كردن به‌ بۆچونه‌كانمان و پاش دانیشتن له‌گه‌ڵ ئه‌و كه‌سانه‌ی كه‌ ئاگاداری تاوانه‌كان بوون له‌ 1996 یان 1997 دا , گه‌یشتینه‌ ئه‌م برِوایانه‌ی خواره‌وه‌ بۆ شیكردنه‌وه‌ی تاوانه‌كانی ئه‌م حاڵه‌ته‌ .

سزادراوه‌كه‌ ئاره‌زوی سیَكسی ئاراسته‌ی منداڵه‌كانی خوار ته‌مه‌نی ( 8 ) ساڵی ده‌كات ( له‌به‌ر ئه‌وه‌ی بۆخۆی له‌ ده‌وروبه‌ری ئه‌و ته‌مه‌نه‌دا ده‌ستدریَژی سیَكسی كرابوه‌سه‌ر ؟! , یان پاشه‌كشه‌كردنی نه‌شونمای سیَكسی لای ئه‌و , له‌و ته‌مه‌نه‌دا چه‌قی به‌ستبوو ؟!! , )  , نه‌ك به‌ موماره‌سه‌ی رِاسته‌ و خۆ ؟! , به‌ڵكو به‌ ویَناكردنی ( ته‌سسه‌ور ) ی  سیَكسكردن له‌ گه‌ڵیاندا و یاری كردن به‌ كۆئه‌ندامی زاوزیَی خۆی ( ده‌ستپه‌رِ ) . وه‌  به‌هۆی , سروشتی ته‌مه‌نی منداڵه‌كه‌ و جموجوڵی و له‌ یه‌ك جیَگادا رِاناوه‌ستیَ , تیَرِوانینه‌كانی سزادراو , ؟ چه‌ندجۆره‌ ده‌بن – تنوع المنزور ؟! , وه‌ ,  وروژیَنه‌ره‌كانی تری , گورِانی ویَناكه‌ ( گۆرِانی خه‌یاڵه‌كانی ویَناكردن ) , ده‌بیَته‌ هۆكاری شیَواندنی ویناكردنه‌ ( ته‌سه‌ور ) سیَكسییه‌كه‌ی !؟.   وه‌ له‌به‌ر ئه‌وه‌ی كه‌ ,  سه‌نته‌ره‌كانی وروژاندنی ئاره‌زوی سیَكس له‌ میَشكدا نزیكه‌ له‌ سه‌نته‌ره‌كانی شه‌رِئانگیَزی , ( المراكز العسبیه‌ للعدوان فی الدماغ ) , وه‌ ووروژاندنی یه‌كیَكیان و تیَر نه‌كردنی ده‌بیَته‌ پاڵنه‌ر بۆ وروژاندنی ئه‌وی تریان و به‌ پیَچه‌وانه‌وه‌ تیَركردنی یه‌كیَكیان ئاره‌زووه‌كه‌ی تریان داده‌مركیَنیَته‌وه‌ ؟! , جموجوڵه‌كانی منداڵه‌كه‌ لیَره‌دا - ده‌بیَته‌ پاڵنه‌ر بۆ , وروژاندنی شه‌رِئانگیَزی ( عدوان ) و مه‌به‌ست لیَیه‌وه‌ له‌جوڵه‌خستنی نیَچیره‌كه‌یه‌ به‌سیَكس ( المستهدف بالجنس ) واتا منداڵه‌كه‌ ! , به‌مه‌به‌ستی ته‌واوكردنی – ئه‌نجامدانی سیَكسی نارِاسته‌وخۆ ؟! , كه‌ ده‌ستی ده‌گاته‌ منداڵه‌كه‌ یان لیَی نزیك ده‌بیَته‌وه‌ و به‌ به‌رد یان هه‌ر شتیَكی تر له‌سه‌ری منداڵه‌كه‌ ده‌دات بۆ چه‌ند جاریَك و سه‌رهه‌ڵدانی شه‌رِئانگیَزی بیَسنور ( عدوان منفلت ) ! , وه‌ له‌به‌ر ئه‌وه‌ی خۆی له‌بنه‌رِه‌تدا بیركه‌وتنه‌وه‌ی كورته‌ مه‌ودای , ماوه‌كه‌ی كورته‌ ؟! , له‌بیری ده‌چیَته‌وه‌ بۆ وه‌ له‌پیَناوی چیدا له‌ منداڵه‌كه‌ ده‌دات و له‌م قۆناغه‌دا ( انغماس ) یان زیاده‌رِه‌وی ( بیَ مه‌به‌ست , واته‌ خۆیشی نازانیَ بۆ وه‌ كرداریَكی ئامیَر ئاسایه‌ ) ده‌كات له‌ ئازاردانی منداڵه‌كه‌دا ؟! , -  به‌تاڵكردنه‌وه‌ی شه‌رِئانگیَزییه‌كه‌ی ده‌بیَته‌ ئامانج ؟ , و ئامانجی ئه‌نجامدانی سیَكسی بیرنامیَنیَ ؟!! , به‌رده‌وام بونی له‌ به‌رد كیَشان به‌سه‌ر و ده‌موچاوی منداڵه‌كه‌دا ده‌بیَته‌ هۆكاری كوشتنی و به‌ته‌واوه‌تی له‌جوڵه‌خستنی !؟ ,

پاش هیلاك بونی سزادراو , كۆمه‌ڵیَ كرداری تری یاریكردنی منداڵی ئاسا , له‌گه‌ڵ جه‌سته‌ی منداڵه‌ مردووه‌كه‌دا ده‌كات ؟! , هه‌روه‌كو چۆن منداڵی نائاسایی یاری له‌گه‌ڵ بوكه‌ شوشه‌كه‌یدا ده‌كات و ئازاری پیَده‌گه‌یه‌نیَت ؟!! , بۆ نمونه‌ جه‌سته‌ی منداڵه‌ مردووه‌كه‌ ( قوربانییه‌كه‌ ) ده‌خاته‌ ناو جۆگه‌ی ئاوه‌كه‌ و كۆمه‌ڵیَ به‌رد له‌سه‌ر زگ و سنگی داده‌نیَ , پاشان له‌كۆشی ده‌گریَت و ماچی ده‌كات و پاشان له‌ته‌نیشتییه‌وه‌ رِاده‌كشیَ و چیچكه‌ ( ورده‌ دار ) و شتی تر ده‌ئاخنیَته‌ كونه‌لوت و گویَچكه‌ و كونی چاوی بووكه‌شوشه‌كه‌وه‌ ( منداڵه‌ قوربانییه‌كه‌ ) , تا له‌م كرداره‌ هیلاك ده‌بیَت , پاشان قوربانییه‌كه‌ی به‌جیَ هیَشتبوو ؟! , ئه‌م رِاستییه‌ش ئه‌و هه‌مو خویَنه‌ی سه‌ر لاشه‌ و جل و به‌رگی سزادراوه‌كه‌ ده‌یسه‌لمیَنیَ كه‌ ببوه‌ جیَگه‌ی گومانی هه‌ندیَك كه‌س و به‌هۆیه‌وه‌ سزادراوه‌كه‌ گیرابوو ؟؟! , ده‌بیَت ئه‌و رِاستییه‌ش بگوتریَت كه‌ منداڵه‌كه‌ ده‌ركه‌وت ,  پاشتریش ده‌ستدریَژی سیَكسی نه‌كرابووه‌ سه‌ر ؟! . پیَویستیشه‌ لیَره‌دا ئه‌وه‌ بڵیَین كه‌ ئه‌و منداڵه‌ ئه‌وكات كورِه‌تاقانه‌ی باوك و دایكی بوو , وه‌ له‌م نه‌هامه‌تییه‌دا بوو به‌ قوربانیی , نه‌خۆشیَكی ئه‌قڵی ( مختل العقل ) ؟!! . .

به‌ گه‌رِانه‌وه‌ بۆ حاڵه‌ته‌ یان نه‌خۆشینه‌ عه‌قڵ – جه‌سته‌ییه‌كان ( ئه‌وانه‌ی هۆكاری فسیۆلۆجی هه‌یه‌ ) , وه‌كو هه‌وكردنی میَشك ( التهابات الدماغ )  یان , فیَ (  سرع – Epileptic psychosis  ) , یان ژه‌هرداربونی میَشك به‌هۆی مادده‌ بیَهۆشكه‌ره‌كان , یان په‌ستانی خویَنبه‌ره‌كانی میَشك ( تێلب الشرایین الدماغیه‌ ) , یان مانیا ( الهوس الدوری ) , یان كه‌رت بونی كه‌سایه‌تی ( شیزوفرینیا ) , یان خه‌رِۆبوون به‌هه‌ردوو جۆری  پیری و پیَشوه‌خت ... تد . بۆ ئه‌م جۆره‌ نه‌خۆشینانه‌ زیاتر برِوای زانایان به‌لای ئه‌وه‌دا ئه‌رِوات كه‌ لادانی سیَكسی لای هه‌ندیَك له‌م نه‌خۆشانه‌ , پیَشتر حه‌ز و ئاره‌زوی سیَكسی لاده‌ر بووه‌ و سه‌ركوت كراوه‌ ( كبت ) ؟, به‌هۆی تواناكانی مرۆڤ و حیكمه‌تی ئه‌قڵییه‌وه‌ , وه‌ له‌كاتی ئه‌و نه‌خۆشینانه‌ی سه‌ره‌وه‌دا ده‌رده‌كه‌ون ؟! , ئه‌مه‌ رِه‌نگدانه‌وه‌یه‌كی نه‌خۆشینه‌كه‌ نییه‌ ؟! , به‌ڵكو به‌هۆی ئه‌وه‌وه‌یه‌ كه‌ تایبه‌تمه‌ندیَتی جۆری نه‌خۆشینه‌كان , هیَز و توانای دیسپلینی هۆش ( الوعی ) ,  لاواز ده‌كه‌ن و له‌م لاوازیه‌ی هۆشدا حه‌ز  و ئاره‌زووه‌ كۆنه‌كان ,  هه‌لی قوتاربوون و خۆده‌ربرِینیان بۆ ده‌رِه‌خسیَ  . بۆیه‌ لیَره‌دا زاناكان به‌ هه‌ڵس و كه‌وتی لاده‌ری سه‌ربه‌خۆی نازانن و به‌ رِه‌نگدانه‌وه‌یه‌كی نه‌خۆشینه‌ بنه‌ره‌تییه‌كه‌ی ده‌زانن . . .

له‌رِوی ده‌روونیه‌وه‌ له‌ زیندان رِوبه‌رِوی ده‌یان كیَشه‌ی لاده‌ره‌كان ده‌بوینه‌وه‌ . گه‌یشتینه‌ ئه‌و برِوایه‌ش كه‌ نه‌خۆشه‌ ئه‌قڵییه‌كان به‌ چه‌نده‌ها بیانو و پاساوه‌وه‌ باشترین نیَچیری زۆربه‌ی لاده‌ره‌كان بوون ؟؟! , به‌هۆی نزمی لایه‌نی ویژدانی و ده‌روونی لاده‌ره‌ سیَكسییه‌كان و به‌ هۆی كڵۆڵی میَشكی سزادراوه‌ نه‌خۆشه‌ ئه‌قڵییه‌كان , ئه‌م نه‌خۆشانه‌ ده‌بنه‌ نیَچیری لاده‌ره‌ سیَكسیه‌كان چی ئه‌وانه‌یان كه‌ لاده‌ری نیَربازن و چی ئاژه‌ڵباز و پیربازه‌كانیان و ته‌نانه‌ت لاده‌ره‌ سادییه‌كانیش له‌ زینداندا ئه‌م نه‌خۆشانه‌ ده‌كه‌ن به‌ نیَچیر ,  و گه‌ر شویَنه‌واری لیَدان و ئازاردان له‌ جه‌سته‌ی نه‌خۆشه‌ ئه‌قڵییه‌كه‌دا به‌دی كرا , ئه‌وا پاساوه‌كه‌ی ئه‌وه‌یه‌ كه‌ شیَته‌ و په‌لاماری خه‌ڵكی داوه‌ و خه‌ڵكیش به‌رگری له‌ خۆی كردووه‌ !!؟..

ئیَمه‌ی تویَژه‌رانی زیندان ,  رِاستییه‌كی تر باش ده‌زانین و پیَویسته‌ لیَره‌دا ئاماژه‌ی پیَبكه‌ین . ئه‌ویش , ئاشكرابونی لاده‌ره‌كان یان خیانه‌تكاران له‌ ژیانی خیَزانداریدا و ره‌خنه‌لیَگرتنیان یان رِاگیران , یان ده‌ستبه‌سه‌ركردنیان , یان سزادانیان ( توقیف , حجز , حوكمدانیان ) , كۆمه‌ڵیَك كیَشه‌ و گرفتی ده‌روونیان لا دروست ده‌كات و ته‌نانه‌ت له‌ زیندانیشدا و له‌ رِوانگه‌ی سزادراوو و كارمه‌نده‌كانه‌وه‌ مۆركی ئه‌و رِه‌فتاره‌یان پیَوه‌ ده‌لكیَت ؟! , ئه‌مه‌ش تا رِاده‌یه‌كی زۆر كاریگه‌ری ده‌بیَت له‌رِوی  بیَسود كردنی پرۆسه‌ی رِاهیَنانه‌وه‌ و ؟! , ده‌بیَته‌ پاڵنه‌ریَكی به‌هیَز , ؟ بۆ ,  به‌رپه‌رچدانه‌وه‌ی چاكبون له‌ لایان , هه‌رچه‌ند ئه‌و رِاستییه‌ش پیَویسته‌ بگوتریَت كه‌ , زۆربه‌ی ئه‌و سزادراوانه‌ له‌سه‌ر یه‌كه‌م كاری لادانی سیَكسی نه‌هاتبوونه‌ زیندان و میَژویان هه‌بوو له‌و بواره‌دا ؟! , بۆیه‌ له‌ زیندانه‌كاندا دیارده‌ی گروپه‌كان به‌ ئاشكرا دیاره‌ ( له‌ناو سزادراوان به‌گشتی و لاده‌ره‌ سیَكسیه‌كان به‌ تایبه‌تی ) و زۆربه‌یان سیَ شیَواز ده‌گرنه‌ به‌ر له‌ دروست كردنی ئه‌و گروپانه‌دا له‌ زیندان  , گروپیَك پیَك دیَت له‌ لاده‌ره‌ پۆزه‌تیڤه‌كان ( ئه‌وانه‌ی بكه‌رن له‌ پرۆسه‌كه‌دا ) له‌ناو ره‌گه‌زی نیَردا , ئه‌م گروپه‌ له‌ زینداندا به‌دوای سزادراوه‌ گه‌نجه‌كاندا ده‌گه‌رِیَن به‌مه‌به‌ستی په‌یوه‌ندی براده‌رایه‌تی ؟ , هه‌رچه‌ند ته‌مه‌نی گه‌نجه‌ لاوه‌كانیش كه‌متر و دور له‌ته‌مه‌نی ئه‌وانه‌وه‌ بیَت زیاتر به‌ خولیایه‌وه‌ ده‌بن ؟! , تا رِاده‌ی قومار كردن له‌ناو خۆیاندا و پیَشبرِكیَی ؟ , كامیان زوتر په‌یوه‌ندی دۆستایه‌تی دروست ده‌كات له‌گه‌ڵ ئه‌و لاوه‌دا ! , وه‌ بۆ ئه‌م مه‌به‌سته‌ش زۆر جار ئامرازه‌كانیان بۆ خۆ نزیك كردنه‌وه‌ له‌ لاوه‌كان , له‌یه‌ك ده‌چیَت و ناوه‌رِۆكه‌كه‌ی  -  خۆ ده‌رخستن وه‌كو قاره‌مانیَكی ئه‌فسانه‌یی له‌روی هیَزی بازووه‌وه‌ و شیَوازی رِیَكردندا ,  پیاهه‌ڵدانی بیَ بنه‌ما به‌خۆیاندا , توانایه‌كی باشی قسه‌كردن و هه‌وڵدان بۆ نه‌هیَشتنی به‌رگری و گومانی به‌رامبه‌ر , توانایه‌كی پوچه‌ڵ له‌ رِوبه‌رِو بونه‌وه‌ و به‌رگری كردن له‌ خۆیان ( له‌ كاتی لیَكۆڵینه‌وه‌دا ) , خۆ ناساندن وه‌كو پاریَزه‌ریَكی مۆراڵ و به‌هاكان ! , شیَواندنی ئاكاری یه‌كتر به‌كار دیَنن و به‌ پاساوی پاراستنی مۆراڵ و كه‌رامه‌ته‌وه‌ له‌ گه‌نجه‌كان نزیك ده‌بنه‌وه‌ و , پاراستنیان له‌ گومان و ده‌ستدریَژی خه‌ڵكی تر ده‌كه‌نه‌ ئامانج ؟! . له‌ناو ئه‌م گروپه‌یاندا له‌زیندان كه‌سانیَكیان تیَدا هه‌بوو نامه‌ی دڵداریان ده‌نوسی بۆ گه‌نجه‌ لاوه‌كان و دوو حاڵه‌تیشمان ده‌ستنیشان كردبوو له‌ناو سزادراوانی سزادراو به‌ بابه‌ته‌كانی نیَربازی پۆزه‌تیڤ , كه‌ خولیای یان ئاڵوده‌ بوبون به‌ دانیشتن له‌ نزیكی ئاوده‌سه‌ته‌كانی ناو زیندان و له‌ بۆنی پاشه‌رِۆی سزادراوانی تره‌وه‌ سوكناییان وه‌رده‌گرت !؟ , له‌ دانیشتنی تایبه‌تماندا له‌گه‌ڵ تاكه‌كانی ئه‌م گروپه‌دا بۆمان ده‌ركه‌وت كه‌ به‌شی هه‌ره‌ زۆرییان له‌ منداڵیدا یان له‌ قۆناغیَكی دواییتردا , به‌شیوه‌یه‌ك له‌ شیَوه‌كان , ده‌ستدریَژی سیَكسی كرابووه‌ سه‌ریان ؟! , له‌ لایه‌ن خه‌ڵكی تره‌وه‌ ( واته‌ ئه‌وه‌ی ئیَستا له‌ پرۆسه‌كه‌دا رِۆڵی پۆزه‌تیڤی ده‌بینی وه‌ پیَی هاتبووه‌ زیندانه‌وه‌ , پیَشتر خۆی نیَگه‌تیڤ – واتا بده‌ر بووه‌ ؟!! ) , بۆیه‌ ئه‌توانین گشتاندن بكه‌ین بۆ شیَوازیَكی تازه‌ له‌بیركردنه‌وه‌ماندا بۆ كیَشه‌ی لادانی سیَكسی ؟ , ئه‌ویش رِیَژه‌ی هه‌ره‌ زۆری ئه‌وانه‌ی ده‌ستدریَژی سیَكسی ده‌كه‌نه‌ سه‌ر خه‌ڵكی تر , پیَشتر خۆیان ده‌ستدریَژی سیَكسی كراوه‌ته‌ سه‌ریان به‌ شیَوه‌یه‌ك له‌ شیَوه‌كان یان لاقه‌ كراون !؟ , وه‌ ده‌ستدریَژی و لاقه‌ كردنی كه‌سانی تر یه‌كیَكه‌ له‌ ئامرازه‌ ده‌ربرِاوه‌كانی هه‌ست یان نه‌ست له‌ لایان ؟!

پاشتریش كه‌ ده‌بیَت به‌ خولیای كرداری لادان و مۆركی تایبه‌تمه‌ندی خوو یان نه‌ریتی كه‌سایه‌تیه‌كه‌ی  پیَوه‌ ده‌لكیَت , به‌ هۆی چیَژ وه‌رگرتنه‌ له‌ پرۆسه‌كه‌ و دووباره‌كردنه‌وه‌  و تاكه‌ ئامرازی ئه‌زمونیی تیَركردنی ووزه‌ی سیَكسی ؟؟ . زیاتر كرداره‌ سیَكسیه‌ لاده‌ره‌كه‌ش لیَره‌دا , مۆركی یه‌كه‌م رِوداوی لاقه‌كردنی لاده‌ره‌كه‌ خۆیه‌تی ؟! , واته‌ ئه‌گه‌ر به‌زۆر و به‌ ئازاردانه‌وه‌ لاقه‌كرابیَت ئه‌وا له‌داهاتودا هه‌مان شیَواز به‌كارده‌هیَنیَت ؟! , ئه‌گه‌ر له‌رِیَگه‌ی كۆتربازی و په‌له‌وه‌ر و ئاژه‌ڵی تر به‌خیَوكردنه‌وه‌ و له‌ئه‌نجامدا خه‌ڵه‌فاندن و به‌كارهیَنانی نه‌رم و نیانی له‌گه‌ڵیدا له‌كاتی كرداری سیَكس كردن له‌گه‌ڵیدا !؟ , ئه‌وا له‌ داهاتودا زیاتر ئه‌و نه‌رم و نیانی و خه‌ڵه‌فاندن و ئامرازانه‌ به‌كار ده‌هیَنیَت له‌ كرداره‌ سیَكسیه‌كانی خۆی به‌رامبه‌ر منداڵانی تر ؟؟! . و ئه‌گه‌ر له‌ته‌مه‌نیَكی زۆر منداڵی خۆیدا لاقه‌ كرابیَت ؟ , ئه‌وا له‌داهاتودا كرداری لاقه‌كردنی سیَكسی ئاراسته‌ی ئه‌و ته‌مه‌نه‌ ده‌كاته‌وه‌ كه‌ پیَشتر له‌ پرۆسه‌كانی یه‌كه‌مدا خۆی قوربانی بووه‌ ؟؟! ..) .  پیَویستیشه‌ ئه‌وه‌ بڵیَین كه‌ , له‌ لیَكۆڵینه‌وه‌ جیهانییه‌كانیشدا , له‌ بواری لادانی سیَكسیدا زیاتر و به‌شیَوه‌یه‌كی به‌ر بڵاو له‌ كۆمه‌ڵگاكانی سوپا , زیندان , كه‌شتیوانه‌كان ده‌ستنیشان ده‌كریَت . وه‌ به‌پیَی هه‌ندیَ زانای لای خۆیشمان تا رِاده‌یه‌ك حوجره‌ی فه‌قیَكان له‌ سه‌رده‌می عوسمانییه‌كاندا و به‌ تایبه‌تی قوتابخانه‌ ناوخۆییه‌كانی په‌روه‌رده‌و رِاهیَنانی مه‌ملوكه‌كان و شه‌ركه‌سه‌كان ؟! , كه‌ پاشتر نازناوی كورِه‌كانی سوڵتانیان لیَ ده‌نراو ئه‌ركی سه‌ركردایه‌تی سوپایان پیَ ده‌سپیَردرا پاشان ده‌سه‌ڵاته‌كانی تری به‌رِیَوه‌بردنی ده‌وڵه‌ت ؟! . بۆیه‌ عه‌لی الوردی ده‌فه‌رمویَت له‌ به‌غدادی سه‌رده‌می مه‌ملوكه‌ عوسمانییه‌كاندا , خه‌ڵكی به‌غداد برِوایان وابووه‌ كه‌ كه‌س نابیَت به‌ وه‌زیر ئه‌گه‌ر نیَربازی ئاراسته‌ نه‌كرابیَت ( هه‌رچه‌ند ئه‌م ووته‌یه‌ به‌رگری خه‌ڵك و نارِه‌زایه‌تی له‌ ئه‌دای ده‌سه‌ڵات ئاشكرا ده‌كات , به‌ڵام ئاماژه‌یه‌كیشه‌ بۆ قوتابینی قوتابخانه‌ ناوخۆییه‌ عوسمانییه‌كان كه‌ وانه‌ی فه‌قیَیه‌تی و سوار چاكی و رِاهیَنانی تری تیَدا فیَری قوتابیان ده‌كرا , وه‌ قوتابیان تیَیدا ده‌بونه‌ نیَچیری رِاهیَنه‌ره‌كانیان یان له‌ ناو خۆیاندا ) ؟! . میَژوونوسانی سه‌رده‌می عه‌باسییه‌كان زیاتر جه‌خت ده‌كه‌نه‌وه‌ له‌سه‌ر ئه‌وه‌ی كه‌ خه‌لیفه‌ عه‌باسییه‌كان  خولیا و ئاره‌زوی غیلمان و نه‌وجوانه‌ توركه‌كانیان كردووه‌ ,   ( هه‌رچه‌ند , به‌گشتی میَژوی خه‌لیفه‌كان لیَوان لیَوه‌ له‌ غیلمان و خه‌سیَنراوه‌كان , ئه‌وانه‌ی كه‌ سه‌رچاوه‌ میَژوییه‌كان باسی جوانی سیما و له‌ش ولاریان ده‌كات ؟! , بۆ خه‌سیَنراوه‌كانیش ! , دیاره‌ ئه‌گه‌ر وه‌كو بكه‌ر بۆی نه‌رِه‌خسیَ پرۆسه‌كه‌ ئه‌نجام بدات , ئه‌وا وه‌كو بده‌ر پرۆسه‌كه‌ پیَویسته‌ !!؟ . ) ..

گروپه‌كه‌ی تریان زیاتر ئه‌و گه‌نجانه‌ بون كه‌ سزادرابون به‌ بابه‌ته‌ یاساییه‌كانی لادان و ته‌مه‌نیان له‌ یه‌كه‌وه‌ نزیك بوو , ئه‌مانه‌یان به‌هۆی نزیكی ته‌مه‌نیان و بابه‌ته‌ یاساییه‌كانیان , له‌ پۆلینكردندا له‌ هۆڵه‌كانی زینداندا نزیك ده‌بن له‌یه‌كه‌وه‌ !؟ , زیاتر ئه‌مانه‌یان مه‌ترسی گۆرینه‌وه‌ی رِۆڵه‌كانیان هه‌یه‌ ( واتا ئه‌گه‌ر یه‌كیَكیان ئه‌مشه‌و پۆزه‌تیڤ بیَت ئه‌وا بۆ سبه‌ی ده‌بیَت به‌ نیَگه‌تیڤ ؟! , یان له‌ هه‌مانكاتدا ئاڵوگۆركیَی رۆڵ ده‌كه‌ن ؟! , مه‌رجیش نییه‌ كرداری سیَكسی رِاسته‌وخۆ ئاراسته‌ی یه‌كتر بكه‌ن ؟! , به‌ڵكو زۆر جار رِۆڵه‌كانیان ده‌گۆرنه‌وه‌ له‌ كرداری لاده‌ری تردا , بۆ یه‌كتری ده‌گرن یان ده‌مژن ...) , له‌ ناو هۆڵكانی ئه‌م سزادراوانه‌دا له‌ زیندان و به‌هۆی دابین كردنی پاسه‌وانی شه‌وان له‌ ناوسزادراوه‌كان خۆیاندا .؟ زۆر جار ناچار ده‌بوین لیَكۆڵینه‌وه‌ بكه‌ین له‌ كیَشه‌ی كرداری سیَكسی به‌ كۆمه‌ڵدا , زۆربه‌ی جاره‌كانیش ده‌نگۆی ئه‌و كرداره‌ پاش چه‌ند رِۆژیَك ده‌گه‌یشته‌ فه‌رمانبه‌ره‌كان و لیَره‌دا سه‌لماندنی كرداره‌كه‌ , له‌ رِوانگه‌ی پزیشكیه‌وه‌ بیَسود ده‌بوو ؟ , به‌هۆی تیَپه‌رِبونی كاتیَكی زۆر به‌سه‌ر رِووداوه‌كه‌دا ؟! . ئه‌م گروپانه‌ گه‌ر له‌ یه‌ك هۆڵدابن ( قاعه‌ ) , ئه‌وا رِیَك ده‌كه‌ون شه‌وانی دره‌نگ , یه‌كیَكیان كه‌ پاسه‌وانی شه‌و ده‌بیَت ئه‌وانیتر  به‌خه‌به‌ر دیَنن و له‌ ئاوده‌ستی هۆڵه‌كه‌دا كرداره‌ لاده‌ره‌كه‌یان ئه‌نجام ده‌ده‌ن ؟! , كیَشه‌كه‌ش له‌وه‌دایه‌ هه‌ردوو جۆره‌كانیان ( پۆزه‌تیڤ و نیَگه‌تیڤ ) له‌ رِوانگه‌ی گروپی یه‌كه‌مه‌وه‌ نیَچیرن ؟! , ته‌نانه‌ت زۆر جار  له‌به‌ر ئه‌وه‌ی كه‌ قایل نابن ئاره‌زوی لاده‌ری ئه‌و سزادراوانه‌ی گروپی یه‌كه‌م تیَر بكه‌ن , تۆمه‌تی جۆراوجۆری سیَكسی لاده‌ر ده‌دریَته‌ پاڵیان یان دزی یان رِوبه‌رِوی لیَدان ده‌بنه‌وه‌ له‌شه‌رِ و پیَكهه‌ڵبژانی دروستكراودا و لیَره‌شدا پیَویست ده‌بیَت تویَژه‌ر  رِاستیه‌كان و پاڵنه‌ره‌كان و په‌یوه‌ندییه‌كان بدۆزیَته‌وه‌ ؟! . .
بۆیه‌ باشترین شیَوه‌ی چاككردن و نه‌هیَشتنی ئه‌و مه‌ترسیانه‌ ئه‌وه‌یه‌ , سزادراوانی لاو تیَكه‌ڵ به‌ گه‌وره‌كان نه‌كریَن , وه‌ جیَگای نوستنی هه‌موو سزادراویَكیش ژوری ته‌نیا كه‌سی بیَت و ته‌نها له‌ كاتی وه‌رزش و چالاكییه‌كانی تردا یان نان خواردن تیَكه‌ڵ به‌یه‌ك بكریَن !؟ .

گروپه‌كه‌ی تریان ,  به‌شیَكیان له‌ ئه‌و سزادراوه‌ به‌ته‌مه‌نه‌ نیَگه‌تیڤانه‌ ( واتا ئه‌و سزادراوانه‌ی كه‌ خولیای ئه‌وه‌یانه‌ بده‌ر بن له‌ پرۆسه‌ی سیَكسی لاده‌ردا ) پیَك دیَت , كه‌  نه‌ له‌لایه‌ن لاده‌ره‌ پۆزه‌تیڤه‌ به‌ته‌مه‌نه‌كانه‌وه‌ و نه‌ له‌لایه‌ن لاده‌ره‌ پۆزه‌تیڤه‌ لاوه‌كانه‌وه‌ هاوكار یان كرِیاریان ده‌ست نه‌ده‌كه‌وت ( لاوه‌كان هه‌رچه‌ند ئاره‌زوی كرداره‌كه‌ش ده‌كه‌ن له‌ گه‌ڵیاندا !؟ , به‌ڵام , لیَیان ده‌ترسن و برِوا ناكه‌ن تا ئه‌و ته‌مه‌نه‌ پیاو هه‌ر بده‌ر بیَت ؟ , بۆیه‌ ده‌ترسان ئه‌وه‌ بۆسه‌ بیَت و لاوه‌كان له‌و پرۆسه‌یه‌دا ئه‌نجامه‌كه‌ی  ببن به‌ نیَچیر ؟!! ) ,  هه‌رچه‌ند كۆمه‌ڵیَك لاوی سوكایه‌تیكه‌ر به‌ رِۆڵی باوك , یان دایكی زاڵ و ( مسترجل ؟؟ ) خولیای ئه‌مانه‌ ده‌بن ؟!! ,ئه‌م گروپه‌یان زیاتر رِوبه‌رِوی چه‌وسانه‌وه‌ و بیَزلیَكردن ده‌بونه‌وه‌ له‌ لایه‌ن سزادراوانی تره‌وه‌ , هه‌رچه‌ند گومانمان هه‌بوو ؟!! , ته‌نانه‌ت ئه‌وانه‌شیان كه‌ بیَزیان لیَ ده‌كردنه‌وه‌ , بیَزلیَكردنه‌وه‌كه‌یان ته‌نها په‌رچه‌كردار بیَت ؟ , پاش ئه‌وه‌ی كه‌ كاری سیَكسیان له‌گه‌ڵ ئه‌نجام دابوون !!؟ , ئاخر ئه‌و مرۆڤانه‌ لای ئیَمه‌ , زیاتر به‌ كرداره‌ پیَچه‌وانه‌كانیان ده‌ناسریَن ؟؟! , به‌هه‌ر حاڵ ئه‌م گروپه‌یان هه‌ندیَك جار كه‌ هاوكاریان ده‌ست نه‌ده‌كه‌وت !؟ , لوله‌ی مه‌سینه‌ی ئاوده‌سته‌كان یان مشتی قولابی رِستن و چنین یان كلكه‌ ماسیحه‌ و شتی تریان ده‌ئاخنییه‌ جه‌سته‌ی خۆیان ؟؟! , بۆیه‌ له‌و هۆڵانه‌ی ئه‌و سزادراوانه‌ی تیَدایه‌ , پیسبونی ئه‌و ئامرازانه‌ یان ونبونیان كیَشه‌ی نیَوان سزادراوان زیاتر ده‌كات و ده‌بیَته‌ مایه‌ی بشیَوی .. هه‌ر ئه‌مه‌ش هوَكاری ئه‌وه‌یه‌ كه‌ , ؟  خه‌یار یان كوله‌كه‌ ( كودی ) یان سه‌وزه‌ی تری له‌و شیَوه‌یه‌ به‌ ئه‌نجن كراوی ده‌دریَته‌ سزادراوان , به‌ تایبه‌تی له‌ زیندانه‌كانی ژناندا ؟!.
به‌شه‌كه‌ی تری ئه‌م گروپه‌ سزادراوه‌ نیَربازه‌ پۆزه‌تیڤه‌ به‌ته‌مه‌نه‌كانن ئه‌م به‌شه‌یان ,  زیاتر ئاره‌زوی لاده‌ریان له‌ رِیَگه‌ی نزیكی جیَگای نوستنیانه‌وه‌ له‌ سزادراوه‌ گه‌نجه‌كان ئاشكرا ده‌بیَت یان سه‌فه‌رداشی ( پیَكه‌وه‌ نان خواردن ) یان گه‌نجه‌كان له‌به‌رده‌ستیاندا كارده‌كه‌ن به‌رامبه‌ر برِیَك پاره‌ یان شتی تر ؟؟ .. 

28 – پاڵنه‌ره‌ بۆماوه‌ییه‌كان , زانایانی تیۆری بۆماوه‌یی جه‌خت ده‌كه‌نه‌وه‌ له‌سه‌ر ئه‌وه‌ی كه‌ لادانی سیَكسی تایبه‌تمه‌ندییه‌كی بۆماوه‌ییه‌ له‌ كرۆمۆسۆمه‌كاندا ؟!! , یه‌كیَك له‌ به‌ڵگه‌كانیش لای زانایه‌كی وه‌كو ( كۆلمان ) بونی لادانی سیَكسی ( نیَربازی نیَگه‌تیڤ – لواته‌ ) لای دووانه‌ هاوشیَوه‌كان ( التوائم المتماسله‌ ) , وه‌ زۆری دووباره‌ بونه‌وه‌ی له‌ بنه‌ماڵه‌ لاده‌ره‌كاندا ؟؟! . به‌ڵام ئیَمه‌ ئه‌م بیركردنه‌وه‌یه‌ به‌ رِاست نازانین و برِوامان وایه‌ كه‌ نمونه‌كانی كۆلمان , زیاتر رِۆڵی ژینگه‌ی خیَزانی و چاولیَكردن و لاساییباو ده‌سه‌لمیَنن . به‌لای ئیَمه‌وه‌ ته‌نانه‌ت زۆربه‌ی حاڵه‌ته‌كانی نیَره‌موك ( Hermaphrodite   ) , ئه‌گه‌ر په‌روه‌رده‌ و فیَركردنیان , به‌ شیَوازی میَینه‌ بیَت , ئه‌وا میَینه‌ ئاسا هه‌ڵس و كه‌وت ده‌كه‌ن و ئه‌گه‌ر په‌روه‌رده‌ و شیَوازی فیَركردنیان وه‌كو نیَرینه‌ بیَت ئه‌وا پاشتر نیَرینه‌ ئاسا ,  مامه‌ڵه‌ ده‌كه‌ن . له‌رِوی زانستیشه‌وه‌ تا ئیَستا نه‌سه‌لمیَنراوه‌ كه‌ بۆماوه‌یی پاڵنه‌ری رِاسته‌وخۆ و سه‌ربه‌خۆ بیَت له‌ لادانی سیَكسی و خیانه‌تدا . ئه‌و په‌نده‌ی پیَشینانی عاره‌بیش كه‌ گوازراوه‌ته‌وه‌ كه‌لتوری كوردی و ده‌ڵیَت خیانه‌ت له‌ رِه‌گه‌زدایه‌ ( العرق دساس ) ؟!! , رِاست نییه‌ و گۆرِینی ژینگه‌ی منداڵ و دورخستنه‌وه‌ی له‌ ژینگه‌ی خیَزانه‌ لاده‌ره‌كه‌وه‌ , له‌هه‌مانكاتدا دورخستنه‌وه‌یه‌تی له‌ لادان و خیانه‌ت له‌ داهاتودا . چاندنی , ؟  به‌رگری ده‌رونی و ئه‌قڵی و نه‌هیَشتنی دروست بونی ئاماده‌باشی گرنگن , كه‌ رِۆڵی په‌روه‌رده‌ن له‌ خیَزان و قوتابخانه‌ و كۆمه‌ڵگای گه‌وره‌دا . . .

29 – وه‌ستانی گه‌شه‌كردن یان نه‌شونمای سیَكسی ( توقف النمو الجنسی ) وه‌كو پاڵنه‌ر بۆ لادنی سیَكسی ؟ , به‌پیَی تیَگه‌یشتنی فرۆید كه‌ داهیَنه‌ری تیۆری هۆكاری شیكارییانه‌یه‌ ( السببیه‌ التحلیلیه‌ ) , لادان ( شزوز – Perversion , انحراف – Deviation  ) هۆكاره‌كه‌ی ده‌گه‌رِیَته‌وه‌ بۆ ئه‌وه‌ی كه‌ جۆری مرۆڤ  , له‌سه‌ر وزه‌یه‌ك ده‌ژی ( لبیدۆ – Libido ) , وه‌ برِوای وابو كه‌ پیَشه‌كییه‌كانی لادان له‌ رِابوردوی تاك دا بوونی هه‌یه‌ ؟! , منداڵ له‌ تیَرِوانینی فرۆیده‌وه‌ ئاره‌زوی سیَكسی جوَراوجۆر و لاده‌ری هه‌یه‌ ( Pervere  Dispositions  ) !؟ , واتا منداڵان چیَژ ( له‌زه‌ت ) وه‌رده‌گرن له‌ سیَكس له‌ رِیَگه‌ی سه‌رچاوه‌ و چالاكی جۆراوجۆره‌وه‌ ؟! . فرۆید برِوای وابو كه‌ لادانی سیَكسی , ته‌نها حاڵه‌تیَكی هه‌ڵاوسان و دابین كردنی ژیانی سیَكسی منداڵییه‌ ؟! , بۆ وه‌ڵامی ئه‌و پرسیاره‌ش كه‌ ئایا بۆ لادان له‌ ژیانی هه‌ندیَك خه‌ڵكدا رِوو ده‌دات و لای زۆرینه‌ی خه‌ڵك رِونادات ؟! . رِای فرۆید وابو كه‌ نه‌شونمای سیَكسی له‌ رِیَچكه‌ی سروشتییدا له‌ منداڵییه‌وه‌ تا گه‌وره‌ بون له‌یه‌ك خاڵی یان ویَستگه‌ی نه‌شونما كردندا ده‌وه‌ستیَت ؟ وه‌ ئه‌م گه‌شه‌كردنه‌ یان نه‌شونماكردنه‌ , كه‌ رِیَچكه‌یه‌كی سروشتی ده‌گریَته‌به‌ر , له‌وانه‌یه‌ پاشه‌كشه‌ بكات ( نكوێ – نكوس ) بۆ قۆناغیَكی پیَشوتر له‌ نه‌شونماكردندا و تیَیدا بوه‌ستیَت ( نمونه‌ سیَكسی ده‌م ) . ( ئه‌مه‌ش رِۆشنایی ده‌خاته‌ سه‌ر هه‌ڵس و كه‌وتی سیَكسی لاده‌ر لای نه‌خۆشه‌ شیزوفرینییه‌كان , ئه‌وانه‌ی پاشه‌كشه‌ ده‌كه‌ن له‌ ژیانی ده‌روونی سیَسكسیاندا بۆ قۆناغیَكی رِابوردو ؟! ) .. لیَره‌شدا یه‌كیَك له‌ ناكۆكیه‌كانی ئیَمه‌ له‌گه‌ڵ ئه‌م بۆچونه‌ی فرۆید ئه‌وه‌یه‌ كه‌ , به‌كار هیَنانی ده‌م یان زمان له‌لایه‌ن منداڵه‌وه‌ كرداری سیَكس نییه‌ ؟ , به‌ڵكو ئامرازیَكی دۆزینه‌وه‌و ناساندنی ده‌وروبه‌ره‌كه‌یه‌تی ,؟!  وه‌ پاشتر كه‌سی لاده‌ر كه‌ زمان یان ده‌م به‌كار دهیَنیَت له‌ كرداری سیَكسدا و ته‌نها به‌م رِیَگا چاره‌یه‌ ده‌گاته‌ ئه‌وپه‌رِی چیَژ وه‌رگرتنی سیَكسی ,له‌ رِۆانگه‌ی فرۆیده‌وه‌ پاشه‌كشه‌ بیَت بۆ ئه‌و قۆناغه‌ی منداڵی !؟ ,جۆریَك له‌ بیَویژدانییه‌ به‌رامبه‌ر منداڵ و فریشته‌ییه‌كه‌ی . به‌ برِوای ئیَمه‌ ئاره‌زوی سیَكس دروست بوون له‌ زینده‌وه‌راندا مه‌رجی پیَگه‌یشتنی لایه‌نی بایۆلۆجی و عه‌سه‌بی پیَویسته‌ و له‌و ته‌مه‌نی منداڵیه‌دا هیَشتا ئه‌و پیَگه‌یشتنه‌ دروست نه‌بووه‌ ؟؟! , وه‌ له‌به‌ر ئه‌وه‌ی كه‌ سیَكس چالاكییه‌كی غه‌ریزه‌ییه‌ له‌ زینده‌وه‌راندا , ئه‌م چالاكیه‌ یان ووزه‌یه‌ مه‌رجی پیَگه‌یشتنی پیَویسته‌ كه‌ ته‌مه‌ن رِۆڵی گرنگی تیَدا ده‌بینیَت ؟! , بۆ نمونه‌ به‌چكه‌ پشیله‌یه‌كی ساوای تازه‌ له‌دایكبوو , له‌ تاقیگه‌یه‌كدا به‌خیَو ده‌كریَت له‌گه‌ڵ به‌چكه‌ مشكیَكی تازه‌ له‌دایكبوودا , دابرِاون له‌ ژینگه‌ی تاقیكه‌دا له‌ هه‌موو مشك و پشیله‌یه‌كی تر ( بۆ ئه‌وه‌ی چاولیَكردن یان فیَربوون رِۆڵی نه‌بیَت له‌ هه‌ڵس و كه‌وتیاندا !؟ ) , ئه‌و مشك و پشیله‌یه‌ دۆستانه‌و وه‌كو ئه‌وه‌ی له‌یه‌ك رِه‌گه‌ز و جۆر بن مامه‌ڵه‌ ده‌كه‌ن به‌یه‌كه‌وه‌ تا ته‌مه‌نی پشیله‌كه‌ ده‌گاته‌ ( 60 ) رِۆژ , له‌و به‌رواره‌دا وه‌كو پشیله‌یه‌كی به‌ئه‌زمون و چه‌نده‌ها ساڵ رِاوی مشكی كردبیَت ده‌ست ده‌كات به‌ یاری قورس و ئازاردان و كوشتنی مشكه‌كه‌ و پاشان خواردنی ؟!! . ئه‌مه‌ش ئه‌و رِاستییه‌ی سه‌لماند كه‌ كرداری دوژمنایه‌تی ( شه‌رِئانگیَزی – عدوان ) لای پشیله‌ غه‌ریزه‌یه‌ و پیَگه‌یشتنی وابه‌سته‌یه‌ به‌ پیَگه‌یشتنی پیَداویستییه‌ عه‌سه‌بییه‌كانیه‌وه‌ كه‌ ته‌نها له‌ ته‌مه‌نی ( 60 ) رِۆژیدا به‌دواوه‌ دروست ده‌بیَت و سه‌رهه‌ڵده‌دات ؟ , غه‌ریزه‌ش كه‌ گه‌یشته‌ قۆناغی پیَگه‌یشتن ,  پیَویست ده‌بیَت به‌ دوای تیَركردندا رِیَگا چاره‌ بگریَته‌به‌ر ؟ , ئه‌م بیرۆكه‌یه‌ش رِاسته‌ بۆ هه‌موو كرداره‌ غه‌ریزه‌ییه‌كان لای زینده‌وه‌ران و له‌وانه‌ش سیَكس لای منداڵ , كه‌ ته‌مه‌نی تایبه‌ت و تا رِاده‌یه‌ك دیاری كراوی پیَویسته‌ بۆ ئه‌وه‌ی سه‌رهه‌ڵبدات ؟! , ئاراسته‌كردنی غه‌ریزه‌كه‌ بۆ رِیَگا چاره‌ی سروشتی تیَركردنی , رِۆڵی فیَركاری ده‌زگاكانی خیَزان و په‌روه‌رده‌ و كۆمه‌ڵگای گه‌وره‌یه‌ ؟! , هه‌رچه‌ند فرۆید گشتاندنی بۆ بیرۆكه‌یه‌كی پیَچه‌وانه‌ كردووه‌ و بیركردنه‌وه‌ی به‌لای ئه‌م رِاستییه‌دا نه‌رِۆیشتووه‌ . .

هه‌ر له‌ رِوانگه‌ی تیۆرییه‌ شیكارییه‌كانی لادانی سیَكس , رِای زانای ده‌رووناس ( فرانك بیتش ) ده‌رباره‌ی لادان و پاڵنه‌ر و هۆكاره‌كانی ,  برِیَكی كه‌م جیاوازه‌ له‌ بۆچونه‌كانی فرۆید و به‌رِای ئه‌م زانایه‌ , ئه‌نجامدانی چالاكی سیَكسی سروشتی په‌یوه‌سته‌ به‌ وروژاندنی هاوبه‌ش ( الاسساره‌ المشتركه‌ ) له‌ نیَوان دووكه‌سدا ( جیاواز له‌ رِه‌گه‌زدا ؟ ) , وه‌ پشتبه‌ستنی یه‌كیَكیان به‌ هه‌ست و هاوسۆزی و چالاكی وروژیَنه‌ری ئه‌وی تریان , به‌ڵام له‌ حاڵه‌تی لاداندا , لاده‌ر , هاوسۆزی و هه‌ستی وروژیَنه‌ر دابین ده‌كات - به‌بیَ بوونی كه‌سه‌كه‌ی تر یان  هاوبه‌شه‌كه‌ی , واته‌ وروژاندنی خود و گه‌یشتن به‌ له‌زه‌تی سیَكس , به‌بیَ بونی به‌رامبه‌ره‌كه‌ی ؟! , نمونه‌ش لای بیتش ئه‌و لاده‌رانه‌یه‌ كه‌ به‌ بینینی كه‌لوپه‌لی كه‌سیَكی تر یان به‌ ته‌ماشاكردن له‌ په‌نجه‌ره‌و كونی ده‌رگاوه‌ یان به‌كارهیَنانی دوربین بۆ بینینی رِه‌گه‌زه‌كه‌ی تر یان رِه‌گه‌زه‌كه‌ی خۆی ؟! یان له‌به‌ر كردنی ستیان و كورته‌ ده‌رپیَی ئافره‌ت !!؟ یان خۆ رِووت كردنه‌وه‌ و ده‌رخستنی كۆئه‌ندامی زاوزیَ بۆ رِه‌گه‌زه‌كه‌ی تر , وه‌ هه‌ندیَ حاڵه‌تی سادیزم و ماسۆشی .. . تد , كه‌ ئاره‌زوی سیَكسیان به‌م رِه‌فتارانه‌ ده‌گاته‌ له‌زه‌ت یان به‌تاڵ كردنه‌وه‌ ؟؟! . ئه‌مه‌ش له‌ رِوانگه‌ی ( بیتش ) ه‌وه‌ , هۆكاره‌كه‌ی ده‌گه‌رِیَته‌وه‌ بۆ ئه‌وه‌ی كه‌ , تاكی لاده‌ر خۆ دوره‌په‌ریَز ده‌گریَت له‌ هاوبه‌شی سۆزدا یان نزیك كه‌وتنه‌وه‌ له‌ هیچ شه‌ریكیَك ( له‌ ئه‌نجامدانی سیَكسدا ) , له‌به‌ر ئه‌وه‌ی ناتوانیَت ئه‌ركی هاوبه‌شی له‌ موماره‌سه‌كه‌دا له‌ ئه‌ستۆ بگریَت ؟! , وه‌ دووره‌ په‌ریَز گرتنه‌كه‌ش , پاڵنه‌ره‌ بۆ دوور كه‌وتنه‌وه‌ له‌ چالاكی سیَكسی سروشتی و مسۆگه‌ركردنی ناهاوبه‌شی یان نه‌بونی شه‌ریك ؟! . . .

30 – دوزینه‌وه‌ و جۆراوجۆر كردنی سیَكسی ( Sexual Variation ) به‌ یه‌كیَكی تر له‌ پاڵنه‌ر و هۆكاره‌كانی لادان و خیانه‌تی سیَكسی ئه‌ژمیَردریَت ؟! , به‌رِای ئیَمه‌ ,  ئه‌مه‌یان زیاتر پاساوه‌ هه‌تا ئه‌وه‌ی پاڵنه‌ر بیَت و نزیك كردنه‌وه‌ی سیَكسكردنی مرۆڤه‌كانه‌ له‌ سیَكسی ئاژه‌ڵ !؟ , چونكه‌ لیَره‌دا مه‌به‌ست ته‌نها گۆرِینی شیوازه‌كانی سیَكسكردن نییه‌ , له‌چوارچیَوه‌ خیَزانییه‌كه‌یدا ؟ , هه‌ڵگرانی ئه‌م بیروباوه‌رِه‌ , پیَیان وایه‌ كه‌ سنوریَكی جیاكه‌ره‌وه‌ و دیاریكراو نییه‌ له‌ نیَوان , ئه‌و كاره‌ی كه‌ سیَكسی سروشتییه‌ و سیَكسی جۆراوجۆر یان لاده‌ر ؟! , له‌به‌ر ئه‌وه‌ی مرۆڤ , هه‌ر له‌سه‌ره‌تاوه‌ به‌سه‌ر هیَڵیَكی نادیاردا ده‌رِوات بۆ تیَركردنی ئاره‌زوی سیَكس كردن و له‌وانه‌یه‌ خۆی ببینیَته‌وه‌ له‌ موماره‌سه‌یه‌كدا كه‌ پیَشبینی بۆ نه‌كردبیَت ؟!. وه‌ بابه‌ته‌كه‌ هه‌ر له‌سنوری گۆرانكاری ( جۆراوجۆر كردن ) و دۆزینه‌وه‌دا ده‌میَنیَته‌وه‌ !؟ , تا ئه‌و ساتانه‌ی كه‌ مرۆڤ ده‌گه‌رِیَته‌وه‌ سه‌ر ئه‌نجامدانی كاری سیَكسی سروشتی ؟؟! , به‌ڵام دواكه‌وتنی له‌ گه‌رِانه‌وه‌ بۆ رِیَگا چاره‌ سروشتییه‌كه‌ و گۆرِینی شیَوازه‌ سروشتییه‌كه‌ بۆ ئه‌و شیَوازه‌ی كه‌ دۆزیویه‌تیه‌وه‌ ( به‌ تاقی كردنه‌وه‌كان ) , له‌وانه‌یه‌ حاڵه‌تیَك بیَت له‌ لادان ؟! . ماوه‌ته‌وه‌ بڵیَین كه‌ له‌ میَژوی ئیَستاماندا و له‌زۆر جیَگای ئه‌م جیهانه‌دا , هه‌ڵگرانی ئه‌م بیرورِایه‌ , وه‌ به‌هۆی پیَشكه‌وتنی زانستی و ده‌روونی و زۆربونی رِیَژه‌ی لاده‌ر و هه‌ڵگرانی بیروباوه‌رِی جۆراوجۆر كردن و گۆرِانكاری , رِۆڵی به‌رچاویان هه‌بوو له‌ گۆرِینی یاسا و دابونه‌ریت و بۆچونه‌كانی كۆمه‌ڵگاكان به‌رامبه‌ر لاده‌ره‌كان و پیَویستی سزادان و بیَزلیَكردنه‌وه‌ و رِاهیَنانه‌وه‌یان , تا له‌سه‌رده‌می رِۆناڵد رِیگاندا ده‌رگای رِۆشتنه‌ ناو سوپای ئه‌مریكایان لیَ واڵا كرا ؟! , وه‌ كار گه‌یشته‌ ئه‌وه‌ی له‌زۆر جیَگای جیهاندا قه‌باره‌ و رِیَژه‌ی كاره‌ لاده‌ره‌كان به‌رته‌سك بكریَته‌وه‌ و له‌ بازنه‌ی تابۆ و قه‌ده‌غه‌كردن و قیَزه‌وه‌نی , زۆر كاری لادان قوتار كران و بوون به‌ كاریَكی ئاسایی له‌ رِوانگه‌ی یاسا و تا رِاده‌یه‌ك خه‌ڵكه‌وه‌ ؟!!. وه‌ له‌ ئه‌نجامدا له‌ زۆربه‌ی جیهاندا زاراوه‌ی شزوز – Perversion  , گۆرِدرا بۆ Deviation  - انحراف , ئه‌مه‌شیان ئه‌وه‌ ده‌سه‌لمیَنیَ كه‌ ته‌نها له‌ پله‌دا دور كه‌وتۆته‌وه‌ له‌ كاری سیَكسی ئاسایی یان سروشتی !!؟ . دوا ئه‌نجامیشی ئه‌وه‌ بوو كه‌ پاشتر زاراوه‌ی Deviation  - لادان , گۆرِدرا بۆ Sexual  Minorities  - واتا كه‌مایه‌تییه‌ سیَكسییه‌كان ؟؟! , به‌م شیوه‌یه‌ش ,  نه‌ك هه‌ر له‌ مۆركی قیَزه‌وه‌نی ئه‌و كردارانه‌یان قوتار كرد ؟ , به‌ڵكو له‌ جیهانی شارستانییه‌تی  ئه‌مرِۆدا وه‌كو كه‌مینه‌یه‌كی رِامیاری یان كۆمه‌ڵایه‌تی یان تایه‌فی ته‌ماشا ده‌كریَن !!؟ , وه‌ ناكریَت پشتگویَ بخریَن له‌ پرسه‌ گرنگه‌كاندا , ئه‌مه‌ش پاڵنه‌ر ده‌بیَت بۆ ئه‌وه‌ی له‌ داهاتودا ئه‌م كه‌مینه‌یه‌ چالاكییه‌كانی چرِتر كاته‌وه‌ و ببیَته‌ زۆرینه‌ و رِیَژه‌یه‌كی زۆری خه‌ڵك له‌خۆ بگرن , كه‌ ئه‌و سه‌رده‌مه‌ش هات دیاره‌ ئیَمه‌ ده‌بیَت به‌ دوای مافی كه‌مینه‌ لانه‌ده‌ره‌كه‌ماندا بگه‌رِیَین ؟! .. .

-------------------------------------------------------------------------------------------------------------

داینامیكییه‌تی لادان

به‌ پیَویستی ده‌زانم پیَش ئه‌وه‌ی برِۆینه‌ ناو جیهانی جۆره‌كانی لادانه‌وه‌  , كورته‌ باسیَكی ئالییه‌ت یان داینامیكییه‌تی لادان بكه‌ین , واته‌ چۆن كرداری لادانی سیَكسی دروست ده‌بیَت ؟ , ئه‌و كاراكته‌ره‌ ئه‌كتیڤانه‌ كامانه‌ن وه‌ چۆن  كار ده‌كاته‌ سه‌ر هه‌لبژاردنی جۆریَكی تایبه‌تی لادانی سیَكسی له‌لایه‌ن كه‌سی لاده‌ره‌وه‌ ؟؟ , به‌م شیَوه‌یه‌ش بۆمان ئاشكرا ده‌بیَت كه‌ ئه‌زمون و رابوردوو , وه‌ ئاستی ژیری و تایبه‌تمه‌ندی كه‌سایه‌تییه‌كان , رِۆڵی به‌رچاویان هه‌یه‌ له‌ هه‌ڵبژاردنی جۆری لادانه‌كه‌دا ؟! , ئه‌م پیَشه‌كیه‌ش بیرۆكه‌ی بابه‌ته‌كه‌ و تیَگه‌یشتنمان له‌باسه‌كانی تردا ئاسانتر ده‌كات و رِۆشنایی ده‌خاته‌ سه‌ر تیَگه‌یشتنی لایه‌نه‌ شاراوه‌كانی لادان و سه‌ره‌تاكانی ؟ . .
له‌باسكردنی چۆن , بۆ , به‌چی شیَوازیَك لادانی سیَكس دروست ده‌بیَت و ئاراسته‌ ده‌كریَت ؟؟؟ , تا رِاده‌یه‌كی زۆر ,  په‌نا ده‌به‌ینه‌ به‌ر تیۆرییه‌ شیكاریه‌ ده‌روونیه‌كان ؟! . رِاسته‌ ئیَمه‌ برِوامان به‌ هه‌ندیَك له‌ بیرۆكه‌ گشتاندن بۆ كراوه‌كان و شیكاری تاك لایه‌نه‌ی چالاكیه‌ مرۆڤایه‌تیه‌كاندا لاوازه‌ ( وه‌كو كاریگه‌ری تاك لایه‌نه‌ی غه‌ریزه‌ی سیَكس له‌ پیَناسه‌ی چالاكیه‌ مرۆڤایه‌تیه‌كاندا ؟؟! ) , كه‌ بۆچونی فرۆید و هه‌ندیَك زانای تری ئه‌م  قوتابخانه‌یه‌یه‌ و له‌زۆر جیَگا له‌گه‌ڵیان رِیَك ناكه‌وین ؟! , به‌ڵام ئه‌مه‌ به‌ هیچ شیَوازیَك له‌ بایه‌خ و شیَوازی بیركردنه‌وه‌ی ئه‌كادیمیانه‌ی فرۆید و قوتابخانه‌ی شیكاریی كه‌م ناكاته‌وه‌ , چی قوتابخانه‌ كلاسیكیه‌كه‌ی فرۆید , ئه‌دله‌ر , یۆنگ . و چی قوتابخانه‌ی شیكاری ده‌روونی نویَ كه‌ كارین هۆرنی و ئانا فرۆید و زانایانی تر , رِیَبه‌رایه‌تییان كرد ..
بونی به‌ربه‌ستیَكی ده‌روونی له‌ خه‌یاڵی لاده‌ردا ( عائق , حاجز ) , له‌ نیَوانی , خۆی و رِه‌گه‌زه‌كه‌ی تردا  -  له‌ په‌یوه‌ندی سیَكسی سروشتیدا , خاڵی هاوبه‌شی هه‌موو لاده‌ره‌كانه‌ و مرۆڤه‌كه‌ دور ده‌خاته‌وه‌ له‌ ئه‌و په‌یوه‌ندییه‌ به‌ رِیَگاچاره‌ سروشتییه‌كه‌ی . ئه‌و به‌ربه‌سته‌ ( خه‌یاڵاوییه‌ ) , وه‌كو دیواریَك دیَته‌ پیَش چاوی كه‌سه‌كه‌  و له‌ هه‌وڵه‌كانی بۆ په‌رِینه‌وه‌ به‌سه‌ریدا ( به‌مه‌به‌ستی تیَر كردنی ئاره‌زو و یان غه‌ریزه‌ی سیَكس ) , ئامرازیَك یان شیَوازیَك به‌كار دیَنیَ یان ده‌گریَته‌به‌ر , كه‌ ناوه‌رِۆكه‌كه‌ی كرداری سیَكسی لاده‌ره‌ ؟ . جیَی سه‌ره‌نجه‌ كه‌ ئه‌م به‌ربه‌سته‌ هیچ پاساو و بنه‌مایه‌كی نییه‌ بیَجگه‌ له‌ خه‌یاڵی نه‌خۆشه‌كه‌ و وه‌همه‌كانی نه‌ستیدا ( بۆ هه‌ندیَك لاده‌ری خیانه‌تكار له‌ ژیانی هاوسه‌ریدا , پاساوی له‌ هه‌ستیشدا هه‌یه‌ به‌ڵام لاوازه‌ و ته‌نها لای خۆیان به‌ هۆكار ئه‌ژمار ده‌كریَت !!؟ ) , به‌ڵام هیَز و توانا و كاریگه‌ری به‌ربه‌ستی رِاسته‌وخۆی هه‌یه‌ , تا رِاده‌ی دیواریَكی بونیادنراوی موحكه‌م ؟! . به‌ واتایه‌كی تر , به‌ربه‌سته‌كه‌ هیَمایه‌ و هیَماكانی به‌ربه‌سته‌كه‌ لای لاده‌ره‌ سیَكسیه‌كان چه‌ند شیَوازیَكی ده‌ربرِین ( تعبیر ) له‌خۆ ده‌گریَ وه‌كو , هه‌ست كردن به‌ تاوان یان گوناح به‌رامبه‌ر كرداری سیَكس له‌گه‌ڵ میَینه‌ ؟ , یان رِق و دووره‌په‌ریَزی به‌ گشتی له‌ كردار یان په‌یوه‌ندی سیَكس ؟ , یان په‌یوه‌ندی سۆزداری نا ئاسایی به‌هیَز له‌گه‌ڵ باوك یان دایكدا كه‌ ئه‌گاته‌ ئاستی كۆت و پیَوه‌ند كردنی ئاره‌زوی سیَكس یان ئاراسته‌ سروشتییه‌كیه‌ی ؟ , یان ئه‌و رِوداوانه‌ی كه‌ , شۆكی به‌هیَز دروست ده‌كه‌ن لای مرۆڤ له‌ ژیاندا , له‌ بابه‌ته‌كانی خیانه‌تی سیَكسی ( باوك یان دایك , .. ) , یان ئازاردان به‌ گشتی و ئازاردانی سیَكسی به‌ تایبه‌ت ( له‌ زۆر جیَگا منداڵ داغ ده‌كریَت به‌ شتیَكی گه‌رم به‌هۆی گومان یان شیكردنه‌وه‌ی هه‌ڵه‌ی یاریكردنی  منداڵان ؟!! ) , یان سه‌ركوت كردنی ( كبت ) پیَشوه‌خت له‌ كاتی نه‌شونمای گریَی ئۆدیب , خه‌ساندن , ( لیَدان و ئازاردانی منداڵ له‌سه‌ر ئه‌وه‌ی كۆ ئه‌ندامی زاوزیَی هه‌ستاوه‌ یان ده‌ركه‌وتووه‌ ... ؟! ) . یان به‌هۆی ئه‌و په‌یوه‌ندییه‌ مه‌رجداره‌ی كه‌ نه‌خۆشه‌كه‌ یان لاده‌ره‌كه‌ ناتوانیَت له‌ بازنه‌كه‌ی ده‌ربازببیَت ؟ , به‌هۆی چیَژ ( له‌زه‌ت ) لیَ وه‌رگرتنه‌وه‌ و دووباره‌ كردنه‌وه‌وه‌  ؟! . . . .
  هه‌موو ئه‌م ده‌ربرِینه‌ سه‌قه‌تانه‌ش رِۆشنایی ده‌خه‌نه‌ سه‌ر سه‌قه‌تی و نامرۆڤایه‌تی په‌روه‌رده‌ی منداڵ له‌ خیَزاندا  ؟! .  ئه‌نجامیش لادانی سیَكسییه‌ و دراما یان داینامیكییه‌تی لادانه‌ سیَكسیه‌كانیش به‌م شیَوازانه‌ی خواره‌وه‌ ده‌بن بۆ هه‌ردوو رِه‌گه‌زی نیَر و میَ . .
1. به‌ربه‌سته‌ ده‌روونیه‌كه‌ مرۆڤه‌كه‌ی پاڵناوه‌ بۆ یه‌كیَك له‌م كرداره‌ لاده‌رانه‌ ؟! ,
• Voiyerism  ته‌ماشاكردن و به‌ دزییه‌وه‌ بینینی ئه‌وانه‌ی له‌ ئه‌نجامدانی كرداری سیَكسیدان , كه‌سی لاده‌ر لیَره‌دا ته‌نها به‌و پرۆسه‌ی ته‌ماشاكردنه‌ به‌دزییه‌وه‌ چیَژ یان له‌زه‌تی سیَكسی ته‌واو  وه‌رده‌گریَت ؟! .
•  گۆشه‌گیرانه‌ قوڵ ده‌بیَته‌وه‌ بۆ خه‌ونی سیَكس ( هه‌رچه‌ند به‌خه‌به‌ره‌ _ احلام یه‌قه‌زه‌ ) , لیَره‌شدا زیاتر خه‌ون و خه‌یاڵه‌ سیَكسیه‌كانی هاوكات ده‌بیَت له‌گه‌ڵ  Masturbation  یان Onanism - ده‌ستپه‌رِ , ئه‌م رِیَگاچاره‌یه‌ ( ده‌ستپه‌رِ ) نه‌ریتیَكی باوه‌ له‌ناو لاوان و گه‌نجه‌كاندا و زیاتر رِۆشنبیره‌كانیان , له‌هه‌ردو رِه‌گه‌ز و له‌ سه‌رانسه‌ری جیهاندا , له‌ تویَژینه‌وه‌یه‌كدا له‌ ووڵاته‌ یه‌كگرتوه‌كانی ئه‌مریكا , ده‌ركه‌وت كه‌  ( 65 % ) ی قوتابیانی زانكۆكان ده‌ستپه‌رِ ئه‌نجام ده‌ده‌ن له‌ هه‌ردوو رِه‌گه‌زدا ؟ , لای خۆمان رِیَژه‌كه‌ ده‌بیَت زۆر زیاتر بیَت ؟! , له‌به‌ر ئه‌وه‌ی له‌ ئامریكا رِیَگا چاره‌ی جیَگری تر بۆ تیَركردنی ئاره‌زوی سیَكس ئاسان و به‌رده‌سته‌ كه‌چی ئه‌وه‌ رِیَژه‌كه‌یه‌تی ؟! ,  لای خۆمان به‌هۆی قه‌ده‌غه‌كردن و حه‌رامكردن و عه‌یبه‌ و ترس  . . , ده‌رگا و رِیَگه‌چاره‌كانی تر داخراون بۆیه‌ رِیَژه‌كه‌ به‌رزتره‌ . هه‌ر له‌ هه‌مان تویَژینه‌وه‌دا له‌ ئامریكا ده‌ركه‌وت ئه‌نجامده‌رانی ده‌ستپه‌رِ له‌ ناو كۆی گشتی پیاواندا رِیَژه‌كه‌ی ( 92 % ) دایه‌ ,و له‌ناو كۆی گشتی ئافره‌تاندا ده‌گاته‌ ( 70 % )  , هه‌روه‌ها رِاستیه‌كی تریش له‌م تویَژینه‌وه‌ ده‌ست كه‌وت ئه‌ویش ئه‌وه‌یه‌ كه‌ , ده‌ستپه‌رِ  به‌رده‌وامه‌ له‌ناو ژن و پیاوه‌ خیَزانداره‌كاندا , له‌و هه‌ل و مه‌رجانه‌دا كه‌ كه‌ په‌یوه‌ندی سیَكسی سروشتی ناره‌خسیَت , ( ئه‌مه‌ش تا رِاده‌یه‌ك باشتره‌ له‌ خیانه‌تی ژیانی خیَزانداری !؟ ) , هه‌روه‌ها ده‌ركه‌وت ( له‌تویَژینه‌كه‌وه‌ ) كه‌ ده‌ستپه‌رِ له‌ناو ئافره‌ته‌ سه‌ڵته‌كاندا رِیَژه‌كه‌ی زیاد ده‌كات به‌ پیَی زیاد بونی ته‌مه‌ن و ده‌گاته‌ لوتكه‌ له‌ ته‌مه‌نی ( 35 ) ساڵی و به‌دواوه‌ ؟! . لیَره‌شدا پیَویسته‌ ئه‌وه‌ رِون بكه‌ینه‌وه‌  كه‌ , نه‌زانینی رِاستیه‌كان , دڵه‌رِاوكیَ , هه‌ستكردن به‌ شه‌رم , هه‌ستكردن به‌ تاوان  . . پاڵنه‌رن بۆ ئه‌وه‌ی گه‌نجه‌كه‌ توشی گۆشه‌گیری یان غه‌مۆكی ببیَت , یان سه‌رئیَشه‌ ( هه‌ندیَك جار شه‌قیقه‌ !؟ ) , نه‌بونی توانای خه‌وتن ( ارق ) , ئه‌مانه‌ هه‌موی گوایه‌ به‌هۆی ئه‌نجام دانی ده‌ستپه‌رِه‌وه‌یه‌ !!؟ , له‌ رِاستیدا ئه‌وه‌ی مرۆڤه‌كان هه‌ستی پیَ ده‌كه‌ن لیَره‌دا ته‌نها په‌رچه‌كرداری ده‌روونی لاوه‌كییه‌ ؟! , شیَوازه‌ سه‌قه‌ته‌كانی په‌روه‌رده‌ به‌ گشتی و په‌روه‌رده‌ی سیَكسی به‌ تایبه‌تی برِوا ئاوه‌ژوو و چه‌واشه‌كان ده‌چیَنیَت له‌ناخی مرۆڤه‌كاندا ؟! , گوایه‌ ده‌ستپه‌رِ یان ده‌ستگان ده‌بیَته‌ هۆكاری له‌ده‌ستدانی عه‌قڵ یان نه‌هیَشتنی توانای سیَكس له‌ داهاتودا ؟! , رِاستییه‌كه‌ی له‌رِوی كاریگه‌ری بایۆلۆجیه‌وه‌ , نان و ئاو زۆر خواردن یان وه‌رزش زۆر كردن یان شه‌ونخونی چۆن كار ده‌كه‌نه‌ سه‌ر جه‌سته‌ی مرۆڤ , ده‌ستپه‌رِ زۆر كردنیش هه‌مان شویَنه‌وار به‌جیَ ده‌هیَڵیَ , ئه‌گه‌ر زیاده‌رِۆیی تیادا كرا .  ماوه‌ته‌وه‌ بڵیَین كه‌ هه‌ندیَك له‌ زانایانی ئیسلام رِیَگه‌یان داوه‌ به‌ ده‌ستپه‌رِ له‌ناو جه‌نگاوه‌ره‌كانی به‌ره‌كانی جه‌نگدا  . . .
2. كاریگه‌ری به‌ربه‌سته‌ ده‌روونیه‌كه‌ ( عائق ) , له‌ ئاره‌زوی سیَكسی سروشتی ده‌گاته‌ ئاستیَكی كاریگه‌ر و لادانیَك , كه‌ مرۆڤه‌كه‌ ( كورِ یان كچ ) له‌ رِه‌گه‌زه‌كه‌ی تر دوور ده‌خاته‌وه‌ و ناچاری ده‌كات كه‌ ئاشقی خۆی ببیَت و سۆزه‌كانی ئاراسته‌ی خود بكات ؟! , واته‌ خۆی ده‌بیَته‌ نیَرینه‌كه‌ی خۆی گه‌ر تاكه‌كه‌ میَینه‌ بوو , یان ده‌بیَته‌ میَینه‌كه‌ی خۆی گه‌ر تاكه‌كه‌ نیَرینه‌ بوو ؟! , ئه‌ویش له‌ رِیَگه‌ی له‌به‌ركردنی جل و به‌رگی رِگه‌زه‌كه‌ی تر ( یان ئاره‌زوی له‌به‌ركردنی !؟ ) , ته‌نانه‌ت جل و به‌رگه‌ هه‌ستیار و ناخۆییه‌كان ؟! , لیَره‌شدا ده‌بیَته‌ لاده‌ری سیَكسی له‌ جۆری پۆشاك  Transvelism  - الالباسیه‌ . ؟ .
3. یه‌كیَكی تر له‌ كاردانه‌وه‌كانی تاك ئه‌وه‌یه‌ , كاتیَك ناتوانیَت بپه‌رِیَته‌وه‌ به‌سه‌ر به‌ربه‌سته‌ ( خه‌یاڵاویه‌كه‌ی ) نیَوان خۆی و رِه‌گه‌زه‌كه‌ی تر به‌ مه‌به‌ستی په‌یوه‌ندی سیَكسی سروشتی و له‌ هه‌مانكاتدا له‌ توانایدا نییه‌ به‌ربه‌سته‌كه‌ ولاوه‌ نیَ , یه‌كیَك له‌م رِیَگاچاره‌ لاده‌رانه‌ ده‌گریَته‌ به‌ر :-
• له‌سه‌ر به‌ربه‌سته‌كه‌ ئه‌وه‌ستیَت و تیَناپه‌رِیَ بۆ په‌یوه‌ندی سیَكسی سروشتی ؟ , به‌ڵكو خۆی رِووت ده‌كاته‌وه‌ و خۆی پیشانی رِه‌گه‌زه‌كه‌ی تر ده‌دات –  نمایشكردنی كۆئه‌ندامی زاوزیَی ده‌كات بۆ رِه‌گه‌زه‌كه‌ی تر ؟! , به‌مه‌ش سه‌ركه‌وتو ده‌بیَت له‌ وه‌ده‌ست خستنی سه‌ره‌نج رِاكیَشان و ترس و بیَزلیَكردنه‌وه‌ی له‌لایه‌ن به‌رامبه‌ره‌كه‌یه‌وه‌ . ئه‌م لادانه‌ سیَكسیه‌ش Exhibitaionism  ی  پیَ ده‌گوتریَت , نمایشكردن  - یان خۆنمایشكردن به‌رِوتی .  به‌پیَی هه‌ندیَك له‌ زانایان ,  نمایشكه‌ره‌كانی جل و به‌رگ و هه‌ندیَك له‌ وه‌رزشوانانی وه‌رزشی له‌ش جوانی ( كمال اجسام ) , ئه‌م ئاره‌زووه‌ لاده‌ره‌یان هه‌یه‌ به‌ڵام ده‌ربرِاو نییه‌ ؟! , نمایشكه‌رانی لاده‌ر له‌ ژیانی رِۆژانه‌دا له‌ جیَگه‌ گشتیه‌كاندا ده‌دۆزریَنه‌وه‌ , به‌ تایبه‌ت ئاوده‌ست و گه‌رماوه‌ گشتییه‌كان , به‌ شیَوه‌یه‌كی گشتیش ئه‌م لاده‌رانه‌ له‌رِوی توانای سیَكسیه‌وه‌ , یان تواناكه‌یان نییه‌ یان زۆر لاوازه‌ , رِیَژه‌یه‌كی زۆریشیان له‌ میَشك كڵۆڵه‌كانن ( دواكه‌وتون له‌رِوی ئه‌قڵیه‌وه‌ ) یان توشبون به‌ جۆریَك له‌ نه‌خۆشینه‌كانی تری میَشك . .
• رِیَگاچاره‌یه‌كی تری لاده‌ره‌كه‌ ئه‌وه‌یه‌ كه‌ , په‌نا ده‌باته‌ به‌ر نامه‌ی دڵداری ئاگرین ؟! , كه‌ خۆیشی نازانیَ بۆ كیَی ده‌نوسیَ , هه‌رچه‌ند بۆ ئیَمه‌ ئاسانه‌ بزانین كه‌ ئاراسته‌ی نامه‌كان خودی لاده‌ره‌كه‌یه‌ و نه‌بونی هاوسه‌ری سیَكسی یان خۆشه‌ویستی ؟! , یان په‌نا ده‌باته‌ به‌ر په‌یوه‌ندی ته‌له‌فونی وه‌كو قه‌ره‌بوویه‌ك , یان ئه‌وه‌تا له‌ ئاستی ده‌ست پیَداهیَنان یان لیَخشاندنی ده‌ره‌كی له‌گه‌ڵ لاشه‌ی یان به‌شیَك له‌ لاشه‌ی رِه‌گه‌زه‌كه‌ی تر , ده‌گاته‌ لوتكه‌ی چیَژی سیَكس و ئاره‌زووه‌كه‌ی داده‌مركیَنیَته‌وه‌ ؟! , لیَره‌شدا ده‌بیَت به‌ لاده‌ری لیَخشیَنه‌ر – احتكاكیه‌ – Frotteurism  ..
4 -   به‌ربه‌سته‌كه‌ زۆر به‌هیَز ده‌بیَت تا ئه‌و ئاسته‌ی كه‌ نه‌خۆشه‌كه‌ ( لاده‌ره‌كه‌ ) نه‌ك هه‌ر ناتوانیَ رِه‌گه‌زه‌كه‌ی تر ببینیَت , به‌ڵكو ناتوانیَت ته‌نانه‌ت بیریشی لیَ بكاته‌وه‌ یان ویَنای بكات ( ته‌سسه‌وركردن ) و به‌ خه‌یاڵیش كرداری سیَكسی بۆ ئه‌نجام نادریَت له‌گه‌ڵیدا ؟! , بۆیه‌ په‌نا ده‌باته‌ به‌ر یه‌كیَك له‌م شیَوازه‌ لاده‌رانه‌ بۆ دابین كردنی پیَداویستی یان چیَژی سیَكسی : -
• مناڵ بازی یان منداڵ خۆشویستن و په‌یوه‌ندی سیَكس دروستكردن له‌ گه‌ڵیاندا ,  واته‌ له‌ منداڵبازیدا  - Paedophilia  لاده‌ره‌كانی هه‌ردوو رِه‌گه‌ز سیَكس ئه‌نجام ده‌ده‌ن له‌گه‌ڵ منداڵدا و لاده‌ره‌كان له‌م بواره‌دا داهیَنانیان كردووه‌ له‌ تاوانه‌كانیاندا به‌رامبه‌ر منداڵ و له‌ جیَگایه‌كی تردا دیَمه‌وه‌ سه‌ر ئه‌م بابه‌ته‌یان . .
• Homosexuality   واته‌ خۆشویستن و سیَكس ئه‌نجامدان له‌گه‌ڵ هه‌مان رِه‌گه‌زه‌كه‌ی خۆی  و په‌یوه‌ندی سیَكسی به‌رده‌وام و چیَژبه‌خشی له‌گه‌ڵ دروست ده‌كات . ئه‌مه‌ش به‌ لادانی هاوجۆره‌ یان هاورِه‌گه‌ز دناسریَت ؟! , ئه‌گه‌ر ئه‌م په‌یوه‌ندییه‌ له‌ نیَوان دوو نیَرینه‌دا بیَت یان زیاتر !؟ ,  پیَی ده‌گوتریَت – Sodomy  نیَربازی – لواته‌ . وه‌ ئه‌گه‌ر لادانه‌كه‌ له‌ نیَوان دوو میَینه‌ یان زیاتردا بوو پیَی ده‌گوتریَت پان پانۆكیَ – Lesbianism  - سحاق .  لادانی هاوجۆره‌ زیاتر په‌یوه‌ندییه‌كی سیَكسی دریَژخایه‌نه‌ و له‌ نیَوان دووكه‌سدا زیاتر ئه‌نجام ده‌دریَت , یه‌كیَكه‌ له‌ نه‌ریته‌ كۆنه‌كانی لادان و له‌ كۆمه‌ڵگای گریكی كۆندا له‌سه‌ر ئاستی كۆمه‌ڵایه‌تی كرداریَكی شیاو بووه‌ , تا ئیَستاش له‌ زۆربه‌ی جیهاندا بڵاوه‌ و رِیَژه‌كه‌ی زیاد ده‌كات ؟ , له‌و بارودۆخ و جیَگانه‌ی كه‌ تاكه‌كانی یه‌ك رِه‌گه‌زی تیَدا كۆده‌بیَته‌وه‌ دور له‌ رِه‌گه‌زه‌كه‌ی تر بۆ ماوه‌یه‌كی دریَژخایه‌ن ؟! , وه‌كو زیندانه‌كان , سه‌ربازگه‌كانی دیلی جه‌نگ , كه‌شتیوانه‌كان , قوتابخانه‌ ناوخۆییه‌كان , یان له‌ناو ژنانی كۆمه‌ڵگا لاساییباو و داخراوه‌كاندا كه‌ قه‌ده‌غه‌ی تیَكه‌ڵبونی هه‌ردوو رِه‌گه‌ز ده‌كریَت .
• Bestiality   -  ئاژه‌ڵبازی – بهیمیه‌ , لاده‌ره‌كه‌ لیَره‌دا ,  په‌یوه‌ندی سیَكسی له‌گه‌ڵ ئاژه‌ڵ ده‌بیَته‌ خولیا و مه‌به‌ستی ؟! , ئه‌مه‌ش زیاتر له‌ كۆمه‌ڵگا پاریَزگاره‌ ئایینیه‌كاندا باوه‌ پیَش ژن هیَنانی گه‌نجه‌كان , وه‌كو گه‌نجه‌كانی كۆمه‌ڵگا ئاژه‌ڵداری و جوتیاریه‌كانی خۆیشمان له‌ گونده‌كاندا . رِاسته‌ ئاژه‌ڵبازی زیاتر له‌لایه‌ن نیَرینه‌كانه‌وه‌ ئه‌نجام ده‌دریَت به‌ڵام ئه‌مه‌ ئه‌وه‌ ناگه‌یه‌نیَ كه‌ له‌ لایه‌ن ئافره‌تانه‌وه‌ ئه‌نجام نادریَت ؟! , چونكه‌ له‌ كۆمه‌ڵگا پیَشكه‌وتوه‌كاندا باوه‌ لای هه‌ندیَك له‌و میَینانه‌ی سه‌گ و پشیله‌ و ئاژه‌ڵی له‌و جۆره‌ به‌خیَو ده‌كه‌ن , هه‌ندیَك له‌و ئافره‌ته‌ لاده‌رانه‌ ئه‌و ئاژه‌ڵانه‌ رِاده‌هیَنن له‌سه‌ر لیَستنه‌وه‌ و په‌یوه‌ندی سیَكسی ته‌واو !؟ , هه‌رچه‌ند له‌ هه‌ندیَك ئامرازی په‌خشدا ئافره‌ت سیَكس له‌گه‌ڵ نیَره‌كه‌ر و ئه‌سپ و ووڵاخی تردا ده‌كات , شایانی باسه‌ هه‌ندیَك جار له‌ زینداندا ده‌ستمان ده‌گرت به‌سه‌ر  CD و فلیم و ویَنه‌ی له‌وشیَوه‌دا و هه‌ندیَك سزادراوی لاده‌ر ( به‌تایبه‌ت ئه‌وانه‌ی له‌سه‌ر ژن كوشتن هاتبوونه‌ زیندان و هه‌ندیَك له‌ پیاو كوژه‌كانیش !؟ ) ئاره‌زوی ئه‌و فلیمانه‌یان زیاتر ده‌كرد به‌به‌راورد له‌گه‌ڵ فلیمی سیَكسی سروشتی ؟؟!! .
5 -      یه‌كیَكی تر له‌ ئالییه‌ته‌كان و شیَوازی لادان , كه‌ به‌ربه‌ستی ده‌روونی , رِیَگر ده‌بیَت له‌ دروستكردنی په‌یوه‌ندی سیَكسی سروشتی نیَرینه‌ به‌ میَینه‌وه‌ یان به‌ پیَچه‌وانه‌وه‌ , كه‌سی لاده‌ر په‌نا ده‌باته‌ به‌ر گه‌رِان به‌دوای چیَژ یان له‌زه‌تی سیَكسی  له‌ رِیَگه‌ی جل و به‌رگی رِه‌گه‌زه‌كه‌ی تره‌وه‌ . به‌م شیَوه‌یه‌ش لاده‌ره‌كه‌ ئاره‌زوی سیَكسی تیَرده‌كات به‌ گرتنه‌ده‌سته‌وه‌ یان بینین یان بۆنكردنی , شانه‌ی قژ ,  پیَڵاو , ده‌سته‌سرِ , بۆینباخ ... , ئه‌م جۆره‌ش به‌ لادانی پشكنین ده‌ناسریَت Fetichism  - فتیشیه‌ . .
6 -     له‌ حاڵه‌تیَكی تردا , دیوار یان به‌ربه‌ست , هه‌رچه‌ند لاوازه‌ وبه‌هیَز نییه‌ , به‌ڵام نه‌خۆشه‌كه‌ له‌ توانایدا نیه‌ زاڵ ببیَت به‌سه‌ریدا یان لیَی بپه‌رِیَته‌وه‌ بۆ رِه‌گه‌زه‌كه‌ی تر و كاری سیَكسی سروشتی له‌گه‌ڵ ئه‌نجام بدات ؟! . بۆیه‌ جۆریَك له‌ پیرۆزی و به‌ها ده‌به‌خشیَته‌ رِه‌گه‌زه‌كه‌ی تر , تا وای لیَ دیَت وه‌كو بوكه‌ شوشه‌یه‌كی به‌نرخ یان مۆنوَمیَنتیَكی پیرۆز و په‌رستیار برِوانیَته‌ رِه‌گه‌زه‌كه‌ی تر ؟! , به‌بیَ ئه‌وه‌ی جورئه‌ت بكات ده‌ستی پیَوه‌بدات یان په‌یوه‌ندی له‌گه‌ڵ دروست بكات , خۆشه‌ویستیش كه‌ كه‌سیَكی زۆر جار دیاری نه‌كراوی رِه‌گه‌زه‌كه‌ی تره‌ ؟ , ده‌بیَته‌ په‌رستیاریَكی ( معبود )  سیَكسی خه‌یاڵاوی و ئه‌م حاڵه‌ته‌ش پیَی ده‌گوتریَت بجمالیۆنی Pygmalionism   , ئه‌مه‌ش هۆكاریَكی ده‌روونی به‌هیَزه‌ بۆ نه‌مان یان لاواز بونی توانای سیَكس لای هه‌ردوو رِه‌گه‌ز ؟! . .
7 -     یه‌كیَكی تر له‌ داینامیكییه‌ته‌كانی لادان ئه‌وه‌یه‌ كه‌ , لاده‌ره‌كه‌ به‌هیَز و تورِه‌ییه‌وه‌ به‌سه‌ر به‌ربه‌سته‌ ده‌روونیه‌كه‌دا زاڵ ده‌بیَت و هه‌موو كۆت و پیَوه‌ندیَكی مۆراڵ و كۆمه‌ڵایه‌تی و ئایینی و یاسایی ده‌شكیَنیَت و په‌لاماری  رِه‌گه‌زه‌كه‌ی تر ده‌دات و ملكه‌چی ده‌كات بۆ كرداری سیَكس , به‌ پیاده‌كردنی توندوتیژی به‌ربه‌ریانه‌ و نه‌بونی ئاره‌زوی به‌رامبه‌ر ؟! , ئه‌مه‌شیان لادانیَكی ترسناكه‌ و زۆر جار كوشتنی لیَ ده‌كه‌ویَته‌وه‌ , پاش ئه‌نجامدانی كرداری سیَكس , ئه‌م حاڵه‌ته‌ش به‌ ئیغتیساب – Rape  . ده‌ناسریَت , (  لاقه‌كردنی توندوتیژ ) , زۆربه‌ی ئه‌م حاڵتانه‌ نیَرینه‌ ئه‌نجامی ده‌دات به‌رامبه‌ر میَینه‌ ,  و زۆر جاریش نیَرینه‌كه‌ ته‌نیا نییه‌ و له‌گه‌ڵ نیَرینه‌ی لاده‌ری تردا به‌ گروپ كاره‌كه‌یان ئه‌نجام ده‌ده‌ن , به‌ڵام له‌م ساڵانه‌ی دوای دۆزینه‌وه‌ی فیاگرا , له‌هه‌ندیَك ووڵاتی ئه‌وروپی گروپی كچانی فیاگراش چه‌ند چالاكییه‌كیان ئه‌نجام دابو له‌ جۆری به‌زۆر سیَكسكردن له‌گه‌ڵ نیَرینه‌دا ؟! , رِاستییه‌كی تریش پیَویسته‌ لیَره‌دا ئاماژه‌ی پیَ بكریَت , له‌ حاڵه‌تی كه‌سایه‌تی ئه‌و نیَرینانه‌ی به‌م تاوانه‌وه‌ یان به‌ تاوانی كوشتن هاتبونه‌ زیندان , كرداره‌كانیان تیَكه‌ڵییه‌كی تیَدا بوو له‌گه‌ڵ جۆری تری لادان و ئازاردانی نیَچیره‌كه‌دا , بۆ نمونه‌ له‌ چه‌ند حاڵه‌تیَكدا گروپی نیَرینه‌ لاده‌ره‌كان كرداره‌كه‌یان له‌گه‌ڵ نیَرینه‌دا ئه‌نجام دابوو , ژماره‌ی ئه‌ندامانی گروپه‌كه‌ش له‌ دوو كه‌سه‌وه‌ تا پیَنج كه‌س پیَك ده‌هات ؟! , له‌ حاڵه‌تیَكی تردا تاوانباره‌كه‌ تاوانه‌كه‌ی ئاراسته‌ی میَینه‌ كردبوو , كاتیَكی زۆری به‌سه‌ر بردبوو له‌ ئازاردانیدا , به‌ جگه‌ره‌ جه‌سته‌ی كچه‌كه‌ی له‌ زۆر جیَگه‌ ؟؟! سوتاندبو پاش ئه‌وه‌ی به‌ستبویه‌وه‌ , له‌ ئه‌نجامیشدا به‌فیشه‌ك كوشتبوی ؟! .

8 -    داینامیكیه‌تیَكی تری لادان ئه‌وه‌یه‌ كه‌ هیَز و توانای به‌ربه‌سته‌ ده‌روونیه‌كه‌ له‌ سیَكسدا نامیَنیَت ؟! , پاش په‌یدا بوون یان دروست بونی هه‌ل و مه‌رج و پیَداویستی تر بۆ ته‌واوكردنی په‌یوه‌ندی سیَكسی ئه‌ویش له‌ رِیَگه‌ی :-
• هه‌لی ئازاردانی رِه‌گه‌زه‌كه‌ی تر له‌كاتی كرداری سیَكسدا  - سادیزم – Sadism  , لیَره‌شدا تاكی نه‌خۆش له‌ تواناكانی سیَكسی خۆی دڵنیا نابیَت , تا ئازار نه‌گه‌یه‌نیَت به‌ رِه‌گه‌زه‌كه‌ی تر له‌ كاتی كرداره‌كه‌دا , رِیَژه‌ی ئازاردانه‌كه‌ و جۆره‌كانی پیَوه‌ره‌ بۆ نا ته‌ندروستی ده‌روونی كه‌سی لاده‌ر و دوور كه‌وتنه‌وه‌ی له‌ كه‌سی ئاساییه‌وه‌ . تاكه‌كانی ئه‌م حاڵه‌ته‌ , دیارده‌كانی گریَی ده‌روونی خۆ به‌ كه‌م زانین ( شعور بالنقس ) یان تیَدایه‌ , یان كه‌رت بونی كه‌سایه‌تی سایكۆپاسی – دژه‌خه‌ڵك یان دژه‌ كۆمه‌ڵگا . .
• هه‌لی ئازار پیَگه‌یشتنی بۆ ده‌ره‌خسیَت له‌لایه‌ن هاورِیَ یان هاوسه‌ره‌ سیَكسیه‌كه‌یه‌وه‌ ( به‌ پیَچه‌وانه‌ی خاڵی پیَشوو ) . لیَره‌دا لاده‌ره‌كه‌ ناگاته‌ چیَژوه‌رگرتن له‌ سیَكس ئه‌گه‌ر له‌كاتی كرداری سیَكسدا ئازاری پیَ نه‌گا ؟! , رِیَژه‌ و جۆری ئازار پیَگه‌یشتنی لیَره‌دا پیَوه‌ره‌ بۆ دووری له‌ پیَوه‌ری كه‌سایه‌تیه‌ ئاساییه‌كانه‌وه‌ . له‌م حاڵه‌ته‌دا نیَرینه‌ یان میَینه‌ به‌رامبه‌ره‌كه‌ی ده‌وروژیَنیَ به‌و مه‌به‌سته‌ی ئازاری پیَ بگه‌یه‌نیَ , ئه‌گینا ئاره‌زوی سیَكس لایان سه‌رهه‌ڵنادات و چیَژیشی لیَ وه‌رناگرن ؟! , به‌م حاڵه‌ته‌یان ده‌گوتریَت ماسۆشی یان مازۆخی – Masochism ( له‌ ناوی رِۆمان نوسی نه‌مساوی  L.S.Masoch  كه‌ له‌ چیرۆكه‌كانیدا به‌ وردی باسی له‌م بابه‌ته‌ی كرداری سیَكس كردووه‌  ) , لاده‌ره‌كانی ماسۆشی له‌هه‌ردوو رِه‌گه‌زدا زۆر جار له‌ جیَگاكانی ئه‌نجام دانی سیَكس  ئاماده‌ نابن گه‌ر ئامرازه‌كانی لیَدانیان ئاماده‌ نه‌كردبیَت بۆ هاوسه‌ره‌ سیَكسیه‌كانیان !؟ , وه‌كو قامچی و شوڵ دار یان ئامرازی تری به‌ستنه‌وه‌ی ده‌ست و پیَ و داركاری كردنیان ؟! , هه‌ندیَك له‌ ئافره‌ته‌ لاده‌ره‌كانی ئه‌م بواره‌ ته‌نها جنیَوه‌ سیَكسیه‌كان و سوكایه‌تی پیَ كردنیان به‌سه‌ , هه‌ندیَك سه‌رچاوه‌ش باس له‌وه‌ ده‌كه‌ن  كه‌ ئازاردانی ئه‌م لاده‌رانه‌ هه‌ندیَك جار ده‌گاته‌ ئاستی گیان له‌ده‌ستدانیان و به‌م شیَوه‌یه‌ ده‌بنه‌ قوربانی ئاره‌زوی سیَكسی لاده‌ریان , به‌ تایبه‌تی گه‌ر بكه‌ونه‌ ژیَر ده‌ستی كه‌سایه‌تییه‌كی ساردوسرِی سیَكس یان سایكۆپاس و تاوانكار و ئه‌مانه‌ش زیاده‌رِۆ و شه‌رِئانگیَزن ...
• یان به‌ربه‌ستی ده‌روونی نامیَنیَت له‌ هه‌ل و مه‌رج و حاڵه‌ته‌كانی ساردوسرِی ئاره‌زو و ووزه‌ی  سیَكس لای هه‌ندیَك ئافره‌ت و ئیفلیج بونی سۆزیان و نه‌مانی گه‌رمی ئاره‌زوی سیَكس , هه‌رچه‌ند به‌ رِه‌واڵه‌ت شاجوان و شۆخن و ووروژیَنه‌ر و سه‌ره‌نج رِاكیَش دیَنه‌ به‌رچاو ؟! , وه‌ له‌به‌ر ئه‌وه‌ی كه‌ شویَنه‌واری نه‌خۆشینی كۆئه‌ندامی زاوزیَ یان سیسته‌می عه‌سه‌بی نادۆزریَته‌وه‌ لایان , پیَده‌چیَت هۆكاره‌كه‌ی ته‌نها ده‌روونی بیَت , هه‌رچه‌ند ساردوسرِی سیَكسی لای ئافره‌ت – برود جنسی   - Frigidity  به‌ نه‌خۆشینیَكی ده‌روون – جه‌سته‌یی ئه‌ژمار ده‌كریَت ( سایكۆسۆماتی ) .
• له‌ به‌رامبه‌ردا , له‌رِگه‌زی نیَردا ئه‌م نه‌بونی ئاره‌زو و توانای سیَكسه‌ – العنه‌ – Impotence  به‌ ئه‌و كه‌سانه‌ ده‌گوتریَت كه‌ كۆئه‌ندامی زاوزیَیان رِاست نابیَته‌وه‌ ( ناوه‌ستیَت یان رِه‌ق نابیَت ) , یان نیوه‌ هه‌ستاو ده‌بیَت و رِه‌ق نابیَت ؟! , هه‌روه‌ها به‌وانه‌ش ده‌گوتریَت كه‌ پیَشوه‌خت و پیَش ئه‌وه‌ی بیكه‌ن به‌ كۆئه‌ندامی زاوزیَی ژنه‌كه‌دا , یان له‌ سه‌ره‌تای پرۆسه‌كه‌دان و كاری سیَكسیان ته‌واو ده‌كه‌ن  - قزف مبكر ؟! ,  حاڵه‌ته‌كه‌ش گه‌ر دریَژخایه‌ن بیَت بیَجگه‌ له‌ كیَشه‌ خیَزانییه‌كان كه‌ زۆر جار ده‌گاته‌ جیابونه‌وه‌ ئه‌گه‌ری خیانه‌تی ئافره‌تیشی لیَ ده‌كه‌ویَته‌وه‌ ؟! , به‌ تایبه‌تی له‌ سه‌ره‌تای ژیانی خیَزانداریدا . هۆكاری ده‌روونی و جه‌سته‌یی هه‌یه‌ بۆ ئه‌م حاڵه‌ته‌ , له‌ هۆكاره‌ ده‌روونیه‌كانی , پیاوه‌كه‌ نه‌ك هه‌ر ژنه‌كه‌ی خۆش ناویَت به‌ڵكو رِقیشی لیَ ده‌بیَته‌وه‌ , غه‌مۆكی دریَژخایه‌ن , رِق و كینه‌ هه‌ڵگرتن له‌ ناخدا و به‌تاڵ نه‌كردنه‌وه‌ی ( كه‌سایه‌تی بوغزاوی ) ,  ترسه‌ تایبه‌ته‌كانی تاكی نه‌خۆش ( زیاتر له‌ نه‌ستدایه‌ ) , هه‌ستكردن به‌ چه‌وسانه‌وه‌ له‌ لایه‌ن ده‌وروبه‌ره‌وه‌ ؟! .  پیَویستیشه‌ بگوتریَت كه‌ ئه‌م حاڵه‌ته‌ هه‌ندیَك جار كاتییه‌ و هۆكاره‌كانی ده‌گه‌رِیَته‌وه‌ بۆ , بیَبه‌ری بوون له‌ سیَكس كردن بۆ ماوه‌یه‌كی دریَژخایه‌ن به‌هۆی زیندانیكردن , دره‌نگ گه‌رِانه‌وه‌ له‌ جه‌نگ لای سه‌ربازه‌كان , یان به‌هۆی ترس و دڵه‌رِاوكیَی ئه‌نجامدانی یه‌كه‌م ئه‌زمونی سیَكسی و زیاتر له‌ سه‌ره‌تای ژن هیَناندا , پیاوه‌كه‌ دووچاری ده‌بیَت و لیَره‌شدا به‌ ساردو سرِی سیَكسی مانگی هه‌نگوینی ده‌ناسریَت – Honey Moon Impotence   ..

هه‌ندیَك شیَوازی تری كرداری سیَكسی لاده‌ر ده‌رِواته‌ قاڵبی ئه‌و هه‌شت ئالییه‌ته‌ی له‌سه‌ره‌وه‌ باسكران , هه‌رچه‌ند رِیَژه‌كه‌یان كه‌متره‌ له‌وانه‌ی باسكران به‌ڵام به‌ پیَویستی ده‌زانم لیَره‌دا كورته‌ باسیَكیان لیَوه‌ بكه‌ین و له‌ داهاتودا وردتر باسیان لیَوه‌ ده‌كه‌ین , وه‌كو لادانه‌كانی :-
• په‌یوه‌ندی سیَكسی له‌گه‌ڵ مه‌حارمدا یان زینای مه‌حارم , واته‌ لاقه‌ كردن یان ده‌ستدریَژی سیَكسی له‌گه‌ڵ هاوخویَن و ئه‌و كه‌سه‌ی كه‌ له‌رِوی دابونه‌ریت و ئاین و شه‌رعه‌وه‌  حه‌رام كراوه‌ نیَر یان میَ , زۆربه‌ی قوربانییه‌كانی ئه‌م لادانه‌ش میَینه‌ن , به‌ڵام له‌ هه‌ندیَك حاڵه‌تدا میَینه‌كانیش ئه‌م كرداره‌ ئه‌نجام ده‌ده‌ن هه‌رچه‌ند زۆربه‌یان به‌ رِه‌زامه‌ندی به‌رامبه‌ر ده‌بیَت ..
• گۆرِینی رِه‌گه‌ز  Transexuality  , نه‌خۆشین یان لادانیَكی ده‌گمه‌نه‌ و تیَیدا حاڵه‌ته‌كه‌ ئاره‌زوو ده‌كات له‌ رِه‌گه‌زه‌كه‌ی تر بیَت , و كۆششی بۆ ده‌كات و هه‌ست و بیركردنه‌وه‌ و هه‌ڵس و كه‌وت و هیواكانی ئه‌وه‌یه‌ له‌ رِگه‌زه‌كه‌ی تر بیَت ( میَینه‌ ئه‌یه‌ویَت نیَرینه‌ بیَت و به‌ پیَچه‌وانه‌وه‌ ) , نیَرینه‌كانی ئه‌م جۆره‌ ده‌بن به‌ نیَچیری لاده‌ره‌ منداڵبازه‌كان یان لاده‌ره‌ نیَربازه‌ پۆزه‌تیڤه‌كان و زۆر جار له‌ پیَش لاقه‌كردنیان یان له‌و كاته‌دا و پاشتریش رِوبه‌رِوی لیَدان و چه‌وساندنه‌وه‌ ده‌بنه‌وه‌ . له‌ زۆر جیَگا گه‌ر نه‌خۆشینه‌ عه‌قڵییه‌كان پاڵنه‌ر نه‌بن بۆ ئه‌م لادانه‌ , ئه‌وا به‌ پرۆسه‌ی نه‌شته‌رگه‌ری و هۆرمۆنات و رِاهیَنانی ده‌روونی و كۆمه‌ڵایه‌تی دریَژخایه‌ن رِگه‌زه‌كه‌ ده‌گۆرِدریَت , ئه‌م حاڵه‌ته‌ زیاتر له‌ناو نیَرینه‌كاندا باوه‌ كه‌ ئه‌یانه‌ویَ ببن به‌ میَینه‌ یان بگۆرِدریَن بۆ ئافره‌ت , چاره‌سه‌ریشیان سه‌ركه‌وتوتره‌ له‌ گۆرِینی ئافره‌ت بۆ پیاو , زۆربه‌ی ئه‌مانه‌شیان ( كه‌ ده‌گۆرِدریَن ) , پاشان زیاده‌رِۆیی ده‌كه‌ن له‌ به‌میَینه‌ بوونیاندا ؟! , وه‌ك هه‌ڵبژاردنی پیشه‌ی دانسی وروژینه‌ر و سیَكسی یان له‌شفرۆشی , لیَره‌شدا هۆكاره‌كان زیاتر ده‌روونی و كۆمه‌ڵایه‌تین . .
• Oralism   یان Fellatio   , لادانی سیَكسی له‌ رِیَگه‌ی ( ده‌م ) ه‌وه‌ , لیَره‌دا لاده‌ره‌كه‌ ده‌م به‌گشتی یان زمان به‌كاردیَنیَ بۆ مژین و ماچكردن و لیَسانه‌وه‌ی كۆئه‌ندامی سیَكسی هاورِه‌گه‌زه‌كه‌ی یان رِه‌گه‌زه‌كه‌ی تر ؟! , لای ده‌روونناسانی قوتابخانه‌ی شیكاری ئه‌م لادانه‌ په‌یوه‌ندی به‌هیَزه‌ له‌گه‌ڵ قۆناغی سیَكسی ده‌م له‌ منداڵیدا ؟! , به‌ڵام رِاستتر ده‌م له‌ منداڵیدا ئامرازیَكه‌ بۆ ئاشنا بون به‌ ده‌وروبه‌ر و دۆزینه‌وه‌ ( اكتشاف ) , هه‌رچه‌ند له‌ زۆر حاڵه‌تدا تیَرنه‌بونی منداڵ له‌ شیری دایك (  قۆناغی مه‌مك مژین ) , یان  توندوتیژی به‌كارهیَنان به‌مه‌به‌ستی وازهیَنانی له‌ شیرخواردن ,  و له‌و قۆناغی دۆزینه‌وه‌ی جیهان له‌ رِیَگه‌ی ده‌مه‌وه‌ لای منداڵ به‌جیَهیَشتنی له‌ بیَشكه‌دا , یان جیَگایه‌كی ته‌سك و بواری تاقیكردنه‌وه‌ی ده‌می تیَدانییه‌ كار ده‌كاته‌ سه‌ر ئاراسته‌ی لادانه‌كه‌ , كاتیَك له‌ داهاتودا پیَده‌گات له‌رِوی توانای سیَكسه‌وه‌ و هۆكاری تر لادانی لا دروست ده‌كه‌ن ؟! , هه‌ندیَك له‌ لاده‌ره‌كان له‌رِوی پیرۆزی كۆئه‌ندامی زاوزیَوه‌ له‌ رِوانگه‌ی خۆیانه‌وه‌ ! , ئه‌و ئاراسته‌یه‌ی لادان هه‌ڵده‌بژیَرن ؟ , ئه‌مه‌شیان زیاتر رِۆشنایی ده‌خاته‌ سه‌ر به‌هیَزی سه‌ركوت كردن ( كبت ) و دوور خستنه‌وه‌ی تاكی لاده‌ر له‌ زانیاریه‌ سیَكسیه‌كان له‌ قۆناغه‌كانی پیَش لاداندا . .
• په‌یوه‌ندی سیَكسی لاده‌ر له‌ رِیَگه‌ی كۆئه‌ندامی پاشه‌رِۆوه‌ , Sodomy   , له‌ نیَوان نیَرینه‌كاندا , هه‌رچه‌ند ئه‌م لادانه‌ هه‌ندیَك جار  پیاده‌ده‌كریَت له‌ په‌یوه‌ندی سیَكسی نیَوان نیَرینه‌ و میَینه‌دا , لای لاده‌ره‌كان له‌ هه‌موو كۆمه‌ڵگاكاندا , له‌ كۆمه‌ڵگا ئاینی و داخراوه‌كاندا زیاتر به‌هۆی ئه‌وه‌وه‌یه‌ كه‌ زگپرِبونی لیَ ناكه‌ویَته‌وه‌ ؟! .
• Necrophilia  - مردووبازی – په‌یوه‌ندی سیَكسی له‌گه‌ڵ لاشه‌ی مرۆڤی مردوو  ( مردووه‌كه‌ نیَر بیَت یان میَ ) , له‌ قه‌برستانه‌كان یان له‌ مه‌یتخانه‌ی نه‌خۆشخانه‌كان .. له‌ داهاتودا ووردتر باسی لیَوه‌ ده‌كه‌ین . .
• Coprophilia – پاشه‌رِۆ كۆكه‌ره‌وه‌ ( جامع القمامه‌ ) , چیَژوه‌رگرتنی سیَكسی له‌رِیَگه‌ی پاشه‌رِۆی مرۆڤه‌وه‌ ( سیَكسی پاشه‌رِۆ ) . لیَره‌دا كه‌سی لاده‌ر ده‌گاته‌ قۆناغی چیَژوه‌رگرتنی سیكسی له‌ رِیَگه‌ی  بۆن كردن یان گرتنه‌ده‌سته‌وه‌ی یان جاوین و خواردنی پاشه‌رِۆكانی هاوكاره‌ سیَكسیه‌كه‌ی ؟! , لای هه‌ندیَك له‌ تیره‌كانی ( ئه‌سكیمۆ ) خه‌ڵكانیَكیان به‌مه‌به‌ستی سیَكسی ده‌گه‌رِیَن به‌دوای پاشه‌رِۆی لووت و ئه‌و چڵكه‌ی له‌ نیَوان په‌نجه‌كانی پیَدا ده‌میَنیَته‌وه‌ و وه‌كو بنیَشت ده‌یجاون یان ده‌یخۆن . له‌ هه‌ندیَ حاڵه‌تی نه‌خۆشینی كه‌رت بونی كه‌سایه‌تیدا ( شیزوفرینیا ) , به‌تایبه‌تی ئه‌وانه‌یان كه‌ ئاستی ژیریان نزمه‌ خواردنی پاشه‌رِۆ باوه‌ و ئه‌مه‌شیان له‌ رِوانگه‌ی نه‌خۆشینه‌كه‌وه‌ پیَناسه‌ ده‌كریَت نه‌ك وه‌ك لادانی سه‌ربه‌خۆ ..
• Nymphomania  - لادانیَكه‌ په‌یوه‌ست به‌ نه‌خۆشینی عه‌قڵی ( مانیا ) , ئاره‌زوویه‌كی برسی و بیَ سنور و به‌هیَزی سیَكسه‌ ,  لای ئافره‌ته‌ توشبووه‌كان به‌م نه‌خۆشینه‌ و ئه‌م ئاره‌زوی سیَكسكردنه‌ لایان تیَر نابیَت بۆ ماوه‌یه‌كی كه‌م نه‌بیَت , زیاتر ئه‌م ئافره‌تانه‌ ناچار ده‌بن كاری سیَكس ئه‌نجام بده‌ن له‌گه‌ڵ نیَرینه‌كاندا بیَ به‌رامبه‌ر و گه‌ر داهاتیشیان هه‌بوو ته‌نانه‌ت پاره‌ یان شتی تر دابین ده‌كه‌ن بۆ دۆسته‌كانیان ( هه‌رچه‌ند زۆریش بن یان زۆر دووباره‌ی كه‌نه‌وه‌ !؟ ) , وه‌كو سه‌رچاوه‌كان باسی لیَوه‌ ده‌كه‌ن شاژنی رِۆمان ( میسالینا ) ئه‌م نه‌خۆشینه‌ی له‌گه‌ڵ بووه‌ و ژماره‌ی ئاشقه‌ سیَكسیه‌كانی له‌ ده‌یان كه‌س تیَپه‌رِیون ؟! . له‌به‌رامبه‌ردا هه‌مان نه‌خۆشین یان لادان له‌ ناو نیَرینه‌كاندا  ده‌ستنیشان كراوه‌ و بۆ پیاو Hypersexuality  پیَ ده‌گوتریَت , و ئه‌م نیَرینانه‌ زیاتر رِوبه‌رِوی كیَشه‌ی خیَزانی و كۆمه‌ڵایه‌تی و یاسایی ده‌بنه‌وه‌ , به‌هۆی هه‌وڵی سه‌رپیَی و سه‌ركه‌شیان به‌مه‌به‌ستی تیَركردنی ئاره‌زوی سیَكسیان . .  
• Pornography لادانی سیَكسی په‌خش و بڵاوكردنه‌وه‌ یان ئه‌ده‌بی سیَكسی ئاشكرا. ناوه‌رِۆكی ئه‌م لادانه‌ گه‌یشتنه‌ به‌ لوتكه‌ی چیَژوه‌رگرتنی سیَكسی له‌ رِیَگه‌ی , ویَنه‌ و فلیمی رِووت , یان گویَگرتن بۆ رِوداوه‌ سیَكسیه‌ ئابرِوبه‌ره‌كان له‌ واقعدا ( زیاتر له‌لایه‌ن ئافره‌ته‌وه‌ ..) , خویَندنه‌وه‌ی چیرۆكه‌ سیَكسیه‌ ئابرِوبه‌ره‌كان , نوسینی ووشه‌ی سیَكسی و جنیَوی قیَزه‌وه‌ن به‌ دیوار و ده‌رگای ئاوده‌ست و گه‌رماوه‌كانه‌وه‌ , یان نوسینی نامه‌ی سیَكسی , یان لای هه‌ندیَك نوسه‌ری لاده‌ر كه‌ چیرۆك و رِۆمانی ته‌واوی سیَكسی ده‌نوسریَت بۆ نمونه‌ رِۆمانی ( لۆلیتا ) ..

شایانی باسه‌ دۆزینه‌وه‌ و چاره‌سه‌ر كردنی لادانی سیَكسی , لای تاكه‌كانی هه‌ردوو رِه‌گه‌ز له‌م سه‌رده‌مه‌دا زۆر ئاسانتره‌ له‌ رِابوردوو ؟ , به‌هۆی كراوه‌یی زۆربه‌ی كۆمه‌ڵگاكان و گۆرِانی بۆچون و ئاستی رِۆشنبیری خه‌ڵك و  پیَشكه‌وتنی زانستییه‌وه‌ , كه‌ وه‌ك نه‌خۆشین و دوور له‌ مۆركی مۆراڵ ده‌رِوانیَته‌ لادانی سیَكسی , هه‌رچه‌ند كۆمه‌ڵگاكانی ئیَمه‌ له‌ زۆر جیَگا ؟! , تا ئیَستا له‌ بازنه‌ی رِابوردودا ده‌خولیَته‌وه‌ و ده‌رِوانیَته‌ لادان و پیَویستی ئاشكرا نه‌كردنی و گه‌رِان به‌دوای چاره‌سه‌ردا ؟؟ , بۆ بابه‌تی چاره‌سه‌ر هه‌ر له‌م نوسینه‌دا پیَش ته‌واوبونی بابه‌ته‌كه‌ هه‌وڵ ئه‌ده‌ین رِۆشنایی بخه‌ینه‌ سه‌ر چۆنیَتییه‌كانی چاره‌سه‌ركردن . بۆ دۆزینه‌وه‌ی لادان و ده‌ستنیشان كردن و دۆزینه‌وه‌ی لاقه‌كردن و ده‌ستدریَژی سیَكسی  لای منداڵ و نه‌وجوان و گه‌ورانی هه‌ردوو رِه‌گه‌ز و شویَنه‌واره‌كانی ؟؟ , ( له‌گه‌ڵ ئه‌وه‌ی شیَوازی كاركردن له‌گه‌ڵیاندا به‌پیَی ته‌مه‌ن ده‌گۆرِیَت ) , وه‌ بۆ ئه‌و حاڵه‌تانه‌ی كه‌ تاقیكردنه‌وه‌كانی لایه‌نی پزیشكی جه‌سته‌یی بۆی ده‌رناكه‌ویَت , تویَژه‌ران و پسپۆرانی تری ده‌رووناسی و تاوان په‌نا ده‌به‌نه‌ به‌ر كارته‌كانی تاقیكردنه‌وه‌ی  - تات , یان كارت و ئامرازه‌كانی رِۆرِشاخ و چه‌نده‌ها ئامرازی هه‌نگاوی سه‌ره‌تا كه‌ به‌رده‌ستن , پاشان چاوپیَكه‌وتن ودانیشتنی ده‌روونی دریَژخایه‌ن و چه‌ند جاره‌ , پاشان به‌كار هیَنانی ئامرازه‌كانی هه‌ڵسه‌نگاندن و دڵنیا بوون له‌ رِاستی زانیارییه‌كان . . ئه‌مانه‌ی سه‌ره‌وه‌ هه‌موی له‌م رِۆژگاره‌دا كاری تویَژه‌ری زیاتر ئاسان كردووه‌ بۆ دۆزینه‌وه‌ و تیَگه‌یشتنی لادانه‌ ده‌ربرِاوه‌كان و ئه‌زمون و هۆكاری , وه‌ به‌هه‌مان شیَوه‌ بۆ لادانی ده‌رنه‌برِدراو چی له‌سه‌ره‌تاكانی ته‌مه‌ن و چی سه‌ركوت كرابیَت ( كبت ) له‌ته‌مه‌نیَكی پیَشكه‌وتودا . .

پاش ئه‌و هه‌وڵه‌ی سه‌ره‌وه‌ بۆ ده‌ستنیشان كردنی داینامیكییه‌ت یان ئالییه‌تی لادان و كورته‌یه‌كی حاڵه‌ته‌كانی لادان , دیَینه‌ سه‌ر باسی جۆره‌كانی لادان و لیَره‌دا له‌وانه‌یه‌ هه‌ندیَك زانیاری دووباره‌ ببیَته‌وه‌ , به‌ڵام ئه‌و دوباره‌ بونه‌وه‌یه‌ له‌رِوانگه‌ی ئیَمه‌وه‌ خزمه‌ت به‌ زانستی بابه‌ته‌كه‌ و بڵاوكردنه‌وه‌ی رِۆشنبیری سیَكسی به‌ گشتی و لادان ده‌كات ( ئاماده‌شم بۆ گویَ گرتن له‌ هه‌موو ئامۆژگارییه‌ك و له‌ كۆتایی باسه‌كه‌دا ئه‌و سه‌رچاوانه‌ ئه‌خه‌مه‌ به‌رچاو كه‌ له‌م بابه‌ته‌دا سودیان لیَ وه‌رگیراوه‌ , گه‌ر خویَنه‌ر ئاره‌زوی كرد زانیاری زیاتر بزانیَت . . ) .
------------------------------------------------------------------------------------------------------------------- 

- جۆره‌كانی لادان -
( پیَویستی سیَكسكردن ئه‌و سۆزه‌ كاریگه‌ر و به‌هیَزه‌ رِۆشنایی ده‌خاته‌ سه‌ر , كه‌ پاڵنه‌ره‌ بۆ لاده‌ریَكی له‌ جۆری مردووباز , له‌ تاریكی شه‌واندا خۆی چه‌كدار ده‌كات به‌ پاچ و قوڵنگ یان قازمه‌ و خاكه‌ناز و ته‌كانده‌دات به‌ره‌و قه‌برستانیَك و گۆرِی مردوویه‌كی تازه‌ هه‌ڵده‌داته‌وه‌ و لاشه‌ی مردوو ده‌هیَنیَته‌ ده‌ره‌وه‌ و كفنه‌كه‌ی لاده‌دات و سیَكسی له‌گه‌ڵ ئه‌نجام ده‌دات !؟ , پاشان مردووه‌كه‌ ده‌گه‌رِیَنیَته‌وه‌ گۆرِه‌كه‌ی , یان نا , تایبه‌تمه‌ندی كه‌سایه‌تییه‌ لاده‌ره‌كه‌ی برِیارِده‌ر ده‌بیَت ؟! , یان له‌ مه‌یتخانه‌ی نه‌خۆشخانه‌كان سیَكس له‌گه‌ڵ مردووه‌كاندا ده‌كات ؟! . ) ..

له‌به‌ر ئه‌وه‌ی تیَركردن یان دامركاندنه‌وه‌ی ئاره‌زو وهه‌ڵچونی سیَكس پیَویستییه‌كی گرنگی زینده‌وه‌رانه‌ , وه‌ك پیَویستیان به‌ ئاو و ئۆكسجین و خۆراك و خه‌و . . .  ؟! ,  وه‌ تیَرنه‌كردنی ئه‌م ئاره‌زووه‌ به‌هۆی هه‌ر هۆكاریَكه‌وه‌ به‌ شیَوه‌ سروشتییه‌كه‌ی , ده‌بیَته‌ هۆكاری سه‌رهه‌ڵدانی توندوتیژی سۆزی سیَكس , تا ئه‌و ئاسته‌ی ببیَته‌ پاڵنه‌ر بۆ دابینكردنی ئه‌و پیَداویستییه‌ به‌هه‌ر رِیَگا چاره‌یه‌ك بیَت ؟! , و ئه‌مه‌ش ئه‌و رِاستییه‌یه‌ كه‌ رِۆشنایی ده‌خاته‌ سه‌ر تیَگه‌یشتنمان و هۆكاری كرداره‌ سیَكسیه‌  لاده‌ره‌كانی : - ده‌ستپه‌رِ و یاری كردن به‌ كۆئه‌ندامی زاوزیَ , سیَكس له‌گه‌ڵ هه‌مان رِه‌گه‌ز , سیَكس له‌گه‌ڵ ئاژه‌ڵ , سیَكس له‌گه‌ڵ منداڵ , یان په‌یوه‌ندی سیَكسی له‌گه‌ڵ هاوخویَنه‌كان ( موحه‌ره‌مات ) یان زینای مه‌حارم ؟! ,  و ده‌یان جۆری تری لادان  , به‌شی زۆری ئه‌م لادانانه‌ كۆتایی پیَ دیَت له‌ژیانی لاده‌ره‌كاندا , پاش دابین كردنی په‌یوه‌ندی سیَكسی سروشتی , لای به‌شیَكی تریشیان جۆره‌  لادانه‌كه‌ له‌گه‌ڵ دابین كردنی په‌یوه‌ندیه‌ سیَكسیه‌ سروشتییه‌كه‌یشدا هه‌ر به‌رده‌وام ده‌بیَت ؟! .
چه‌نده‌ها جۆری لادانی سیَكسی هه‌یه‌ و له‌ پله‌ و هیَزی لاداندا , نزیك یان دور ده‌كه‌ونه‌وه‌ له‌ رِیَگاچاره‌ سروشتییه‌كه‌ی ژیانی سیَكسیمان . هه‌ندیَك له‌و لادانانه‌ به‌شیَوه‌یه‌كی تاكه‌ كه‌سیه‌ وله‌یه‌ك جۆر لادان تیَپه‌رِناكات , به‌ڵام رِیَژه‌ی زۆری لاده‌ره‌كان , چه‌نده‌ها جۆر لادان پیاده‌ ده‌كه‌ن له‌ كاتی جیاوازدا یان له‌ یه‌ك كاتدا ؟! , له‌ رِوانگه‌ی لیَكۆڵینه‌وه‌ی زانستیه‌وه‌ , یه‌كه‌م لادان كه‌ پیاده‌كراوه‌ له‌لایه‌ن نه‌خۆشه‌كه‌وه‌ , به‌لادانی بنه‌رِه‌تی ئه‌ژمار ده‌كریَت ,  هه‌ر لادانایَكی تری پاشتر , كه‌ یه‌كه‌م لادان بوو به‌ بناغه‌ بۆی , به‌ لادانی لاوه‌كی ئه‌ژمار ده‌كریَت ( ئه‌م رِاستییه‌ش له‌ پرۆسه‌ی چاره‌سه‌ر كردندا زیاتر سودی لیَ وه‌رده‌گیریَت ) . ده‌رونناسه‌كان و لیَكۆڵه‌ره‌وه‌كان و تویَژه‌ره‌كان به‌گشتی , له‌بواری لادان و تاواندا , لادانه‌ سیَكسیه‌كان پۆلین ده‌كه‌ن له‌سه‌ر چه‌ند بنه‌مایه‌ك , گرنگترینیان پۆلین كردنه‌ له‌سه‌ر  بنه‌مای ئه‌و گۆرِانكاییانه‌ی دروست ده‌بن , له‌ ( ا ) ئامانجی سه‌ره‌كی لادانه‌ سیَكسیه‌كه‌ ,  یان ( ب ) بابه‌تی سیَكسی لاده‌ر , یان ( ج )  پیَناسنامه‌ی سیَكسی و رِۆڵی لاده‌ر , یان ( د )  گۆرِانی شیَواز و مۆركی تایبه‌تمه‌ندیَتی كرداره‌ سیَكسیه‌كه‌ . . به‌پیَی ئه‌م پۆلینكردنه‌ش لادانه‌ سیَكسیه‌كان به‌م شیَوه‌ی خواره‌وه‌ ده‌بن : -  
 -    لادانه‌كانی گۆرِانی ئامانجی سیَكسی , ئه‌م لادانانه‌ ده‌گریَته‌ خۆ , كه‌ هه‌مویان تاك به‌ ته‌نها ئه‌نجامی ده‌دات : -

1. نمایشكردن , خۆ رِووت كردنه‌وه‌و ده‌رخستنی كۆئه‌ندامی زاوزیَ , به‌مه‌به‌ستی بینینی له‌لایه‌ن رِه‌گه‌زه‌كه‌ی تره‌وه‌ , به‌م شیَوه‌یه‌ش ئاره‌زوی سیَكسی تیَر ده‌كات .

2. دزه‌بینین , واته‌ به‌دزیه‌وه‌ ته‌ماشاكردنی خه‌ڵكی تر له‌ كاتی سیَكسیاندا و به‌م شیَوازه‌ بگاته‌ وه‌رگرتنی چیَژی سیَكس.

3. پشكنین , چیَژ وه‌رگرتنی سیَكسی له‌رِیَگه‌ی گه‌رِان به‌ ناو جل و به‌رگی كه‌سی تردا یان بینینی به‌شیَكی لاشه‌ی .

4. پاشه‌رِۆ ویست – الافرازیه‌ – جامع القمامه‌ , كه‌ لاده‌ر تیَیدا ده‌گاته‌ لوتكه‌ی چیَژی سیَكسی له‌رِیَگه‌ی , بۆن كردن , جاوین , خواردن , یان ده‌ست پیَداهیَنانی , به‌ڵغه‌م , كڵمی لووت , ئاره‌قه‌ی جه‌سته‌ , كیمی عاده‌ی مانگانه‌ی خۆیَناوی , پاشه‌رِۆ , میز , چڵكی په‌نجه‌كانی پیَ ..  .

5. شه‌یدا بونی دزی , جنون السرقه‌ , جۆریَكه‌ له‌ ئاڵوده‌بون به‌ دزی كردن به‌مه‌به‌ستی تیَركردنی ئاره‌زوی سیَكسی و به‌م شیَوه‌یه‌ ئاره‌زووه‌ سیَكسیه‌ هه‌ڵچووه‌كه‌ی داده‌مركیَنیَته‌وه‌ .

6. ئاگر كردنه‌وه‌ , جنون الحرائق , ئاڵووده‌بون به‌ ئاگر كردنه‌وه‌ به‌مه‌به‌ستی تیَركردنی ئاره‌زوی سیَكسی .

7. ده‌ستپه‌رِ , ده‌ست گان , له‌به‌ر ئه‌وه‌ی نه‌ریتیَكی جیهانی بڵاوه‌ له‌ جیَگه‌ی خۆیدا به‌ تیَر و ته‌سه‌لی باسی لیَوه‌ ده‌كه‌ین.

8. توانجی سیَكسی , تحرش , وه‌ك ئامرازیَكی دربرِینی ووزه‌ و ئاره‌زوی سیَكس .
 
ب – لادانه‌كانی گۆرِان له‌ بابه‌تی كرداری سیَكسدا , وه‌ ئه‌م لادانانه‌ له‌خۆ ده‌گریَت كه‌ پیَویست به‌ هاوسه‌ر یان شه‌ریكی
            سیَكسی ده‌كات  : -

1. ئاژه‌ڵبازی , په‌یوه‌ندی سیَكسی له‌گه‌ڵ ئاژه‌ڵدا .

2. مردوو بازی , په‌یوه‌ندی سیَكسی له‌گه‌ڵ جه‌نازه‌ یان كه‌سیَكی مردوودا , خۆی كوشتبیَتی بۆ ئه‌م مه‌به‌سته‌ یان له‌ مه‌یتخانه‌ی نه‌خۆشخانه‌دا لاقه‌ی سیَكسی ده‌كات یان له‌ قه‌برستان گۆر ده‌دیَریَته‌وه‌ , مردووه‌كه‌ نیَره‌ یان میَ , گه‌نجه‌ یان به‌ته‌مه‌ن , . له‌ جیَگه‌ی خۆیدا باسی لیَوه‌ ده‌كه‌ین . .

3. لادانی هاورِه‌گه‌زی ,  نیَر له‌گه‌ڵ نیَردا ( نیَربازی – لواته‌ ) .

4. لادانی هاورِه‌گه‌زی , میَینه‌ له‌گه‌ڵ میَینه‌دا ( پانپانۆكیَ – سحاق ).

5. منداڵبازی , و كرداری سیَكس ئاراسته‌ كردنی ته‌نها منداڵ .

6. پیربازی , سیَكسكردن ته‌نها له‌گه‌ڵ به‌ساڵاچوان یان پیره‌كان .

ج – لادانه‌كانی گۆرِان له‌ پیَناسنامه‌ و رِۆڵی سیَكسیدا , وه‌كو

1. لادانی Transvestism    یان پۆشینی جل و به‌رگی رِه‌گه‌زه‌كه‌ی تر و ئاره‌زوی سیَكس به‌تاڵ كردنه‌وه‌ به‌ ده‌ستپه‌رِ. 
2. نیَره‌موك , سیَكسی پیَچه‌وانه‌ له‌ هه‌ردوو رِه‌گه‌زدا , ( له‌ جیَگه‌ی خۆیدا باسده‌كریَت ) .

    د – لادانه‌كانی گۆرِانی شیَواز و مۆركی تایبه‌تمه‌ندیَتی , كه‌ كۆمه‌ڵیَك كرداری سیَكسی لاده‌رن و له‌ لاپه‌رِه‌كانی داهاتودا 
          ووردتر باسیان ده‌كه‌ین , وه‌كو : -
1. سادیزم , ئازار پیَگه‌یاندنی ئه‌و كه‌سه‌ی سیَكس له‌گه‌ڵ لاده‌ر ده‌كات .
2. ماشۆسیزم , مازۆخی , ئه‌و لاده‌ره‌ی كه‌ پیَویست ده‌بیَت له‌ كرداری سیَكسدا ئازاری پیَبگات .
3. به‌ زۆر سیَكسكردن له‌گه‌ڵ كه‌سیَكدا ( ته‌عدای سیَكسی – تاوانی  ئیغتیساب ) .
4. شه‌رِئانگیَزی سیَكسی ( العدوان الجنسی ) .
5. سیَكسی هاوخویَن یان محرمات , ئه‌نجامدانی سیَكس له‌گه‌ڵ ئه‌و كه‌سانه‌ی له‌ رِوی ئاین و داب و نه‌ریته‌وه‌ لیَی حه‌رام كراون .
6. ئاڵوده‌بونی سیَكسی – جنون الشبق – Hypersexuality  لای نیَرینه‌ لاده‌ره‌كان و Nymphomania یان جنون الحوریه‌ لای میَینه‌كان و په‌یوه‌ندی به‌ نه‌خۆشینه‌ عه‌قڵیه‌كانه‌وه‌ . . .

له‌ چه‌ند لاپه‌رِه‌ی داهاتودا , هه‌وڵ ئه‌ده‌ین ووردتر رِۆشنایی بخه‌ینه‌ سه‌ر هه‌ندیَك لایه‌ن و پیَناسه‌ و تایبه‌تمه‌ندیَتی , هه‌ر یه‌ك له‌و جۆرانه‌ی لادان و پاشان ئه‌رِۆینه‌ ناو بابه‌تی , رِیَژه‌ی لادان و خیانه‌تی ژیانی هاوسه‌رگیری به‌ گشتی و رِیَژه‌كه‌ی له‌ كۆمه‌ڵگای خۆماندا  و له‌ كۆتاییدا ده‌رِۆینه‌ سه‌ر چاره‌سه‌ركردن و خۆ پاراستن له‌ لادانی سیَكسی ( خۆ پاراستن ,به‌ واتای پاراستنی منداڵان له‌ خیَزاندا و خه‌ڵكی به‌ گشتی ) . . لیَره‌دا سه‌ره‌تا ده‌رِۆینه‌ سه‌ر باسكردنی ووردتری هه‌ر یه‌ك له‌ جۆره‌كانی لادان : -

1. Exhibitionism  - نمایشكردنی كۆئه‌ندامی زاوزیَ  - خۆ رِووتكردنه‌وه‌ .

له‌ لادانه‌ تاك كه‌سیه‌كانه‌ كه‌پیَویستی به‌ هاورِیَی سیَكسی نییه‌ , په‌یوه‌ندی دروست نابیَت له‌ نیَوان لاده‌ر و ئامانجه‌ سیَكسیه‌كه‌یدا . له‌ رِوی یاساییه‌وه‌ رِیَژه‌یه‌كی زۆریان رِوبه‌رِوی به‌رپرسیاریَتی ده‌بنه‌وه‌ و دیسانه‌وه‌ ده‌گه‌رِیَنه‌وه‌ بۆ دووباره‌ كردنه‌وه‌ی رِفتاره‌كه‌یان ؟! , زیاتر له‌ نیَو رِه‌گه‌زی نیَرینه‌دا باوه‌ ,  هه‌رچه‌ند له‌ زۆر شارستانیه‌تدا ده‌رخستنی ئافره‌ت بۆ هه‌ندیَك جیَگای هه‌ستیاری , به‌كاریَكی سروشتی و ئاسایی ته‌ماشا ده‌كریَت , به‌ڵام ئه‌مه‌ ئه‌وه‌ ناگه‌یه‌نیَ كه‌ ئه‌م رِفتاره‌ له‌ناو میَینه‌دا بونی نییه‌ , به‌ڵكو له‌وانه‌یه‌ زیاتر له‌به‌ر ئه‌وه‌ بیَت كه‌ میَینه‌ ته‌نها بۆ یه‌ك كه‌س ئه‌و نمایشه‌ بكات له‌ دوره‌وه‌ یان نزیك . زیاتر ئافره‌ت كه‌ په‌نا ده‌باته‌ به‌ر ده‌رخستنی هه‌ندیَك جیَگای هه‌ستیاری جه‌سته‌ی , به‌ لادان ئه‌ژمار ناكریَت به‌ واتاكه‌ی لادان ؟ , له‌به‌ر ئه‌وه‌ی ئافره‌ت له‌م ده‌رخستنه‌ی جه‌سته‌ی چیَژی سیَكسی وه‌رناگریَت , به‌ڵكو ده‌رخستنی كه‌سایه‌تی ناسكی میَینه‌یه‌تی ( هه‌رچه‌ند رِه‌نگدانه‌وه‌ی ئه‌و ده‌رخستنه‌ و سه‌رنج رِاكیَشانی نیَرینه‌كان , زۆر جار ئاسوده‌ییه‌كی سیَكسی به‌ هه‌ندیَك ئافره‌ت ده‌به‌خشیَ , به‌تایبه‌تی كاتیَك توانجی نه‌رمی ئاراسته‌ ده‌كریَت له‌ لایه‌نیانه‌وه‌ , ئه‌مه‌شیان زیاتر به‌ هۆی دڵنیا بونه‌كه‌یه‌تی له‌ كاریگه‌ری خۆی , وه‌كو میَینه‌ی خوازراو ؟!) . نوسه‌ر و زانای سیَكسی  ( هافلۆك ئه‌لیس ) به‌م شیَوه‌یه‌ پیَناسه‌ی لاده‌ری نمایشكه‌ر ده‌كات , ( ... ئه‌و كه‌سه‌یه‌ كه‌ ئه‌ندامی سیَكسی خۆی نیشانی كه‌سیَك یان كه‌سانیَك له‌ رِگه‌زه‌كه‌ی تر ده‌دات , به‌بیَ ئه‌وه‌ی داواكاری هه‌بیَت له‌و كه‌سانه‌ی كه‌ خۆی پیشانیان ده‌دات , به‌ده‌گمه‌ن قسان ده‌كات و لیَیان نزیك نابیَته‌وه‌ , پاشان به‌ هه‌ستكردن به‌ ئاسوده‌ییه‌وه‌ جیَگاكه‌ به‌جیَ دیَڵیَ ) ؟! . به‌ڵام لیَكۆڵینه‌وه‌كان سه‌لماندیان كه‌ ئه‌م لاده‌ره‌ توشی هه‌ڵچونیَكی سیَكسی ده‌بیَت و ئه‌م هه‌ڵچونه‌ش به‌ گه‌یشتنی به‌ چیَژی سیكسی ( ئاو فریَدان – قزف ) ته‌واو ده‌بیَت , ته‌نها به‌ نمایشكردنه‌كه‌ یان هاوكات له‌گه‌ڵَ نمایشكردندا یاری كردن به‌ كۆئه‌ندامی سیَكسی ( ده‌ستپه‌رِ ) .
رِیَژه‌ی زۆری نمایشكه‌ران گه‌نجه‌ میَرد منداڵه‌كانن و زیاتر تایبه‌تمه‌ندی كه‌سایه‌تیان , شه‌رم , هیَمنی , گۆشه‌گیری و دووره‌په‌ریَزیان پیَوه‌ دیاره‌ , به‌شیَوه‌یه‌كی گشتیش به‌ گومانن له‌ توانای سیَكسیان و له‌ رِوبه‌رِوبونه‌وه‌ی سیَكسی رِاسته‌وخۆ له‌گه‌ڵ هاوكاریَكی سیَكسی ده‌ترسن . هه‌ندیَك له‌ زانایان پیَیان وایه‌ كه‌ لادانی سیَكسی نمایش – استعراز , یه‌كیَكه‌ له‌ پاشماوه‌كانی كرداره‌ سیَكسیه‌ سه‌ره‌تاییه‌كان , ئه‌و كاتانه‌ی كه‌ پیاو یان ئافره‌ت نمایشی ئه‌ندامی سیَكسییان ده‌كرد , بۆ ئه‌وه‌ی هیَز و ئاماده‌باشی ئه‌نجامدانی سیَكس بۆ یه‌كتر بدركیَنن , یان ئه‌و بیرۆكه‌یه‌ بگه‌یه‌نن به‌ یه‌كتر !؟ ( ئیَمه‌ش ده‌ڵیَین , یه‌كجاری ئه‌وه‌نده‌ توكیان پیَوه‌ نه‌بووه‌ یه‌كتر نه‌ناسن و ئامرازه‌كانیان بۆ ئاماده‌باشی و تواناكانی سیَكسیان لاواز بیَت !! ) .   بۆچونیَكی تر ,  نمایشكردن به‌ كرداریَكی سادی ( ئازاربه‌خش ) له‌قه‌ڵه‌م ده‌دات و به‌ بۆچونی ئه‌مان , نیَرینه‌ دڵرِه‌قی ده‌روونی ئاراسته‌ی میَینه‌ ده‌كات , كاتیَك ناچاری ده‌كات له‌ناكاو سه‌ره‌نج و ترسی رِاكیَشیَ به‌لای ئه‌ندامه‌ سیَكسیه‌كه‌یدا , چونكه‌ ئه‌م كرداره‌ شویَنه‌واری ئازار , ترس , بیَزلیَكردن , له‌ ده‌روونی ئافره‌ته‌كه‌دا دروست ده‌كات و ئه‌مانه‌ش ئامانجه‌كانی لاده‌ری سادییه‌ له‌ به‌رامبه‌ره‌كه‌ی . . .

2. Voyeurism  به‌دزیه‌وه‌ ته‌ماشاكردن , دزه‌بینین .

لیَره‌دا كه‌سی لاده‌ر هه‌وڵ ده‌دات ئاره‌زوی سیَكسی تیَربكات و بگاته‌ لوتكه‌ی چیَژ یان له‌زه‌ت وه‌رگرتنی سیَكسی , له‌ رِیَگه‌ی به‌دزییه‌وه‌ ته‌ماشاكردنی كه‌سیَكی رِووت , یان كه‌سیَك ئه‌یه‌ویَت خۆی رِووت بكاته‌وه‌ , یان به‌دزیه‌وه‌ سه‌یری په‌یوه‌ندی سیَكسی دوو كه‌س ده‌كات به‌بیَ ئه‌وه‌ی ئه‌وان ئاگایان له‌ئه‌م بیَت . رِاسته‌ ژماره‌یه‌كی زۆری خه‌ڵك ئاره‌زوی هه‌ڵویَستی وروژیَنه‌ری سیَكس ده‌كه‌ن , به‌ڵام ئه‌وه‌ی كه‌ ئه‌م كرداره‌ ده‌كات به‌ لادان , ئه‌وه‌یه‌ كه‌ ئه‌م شیَوازه‌ ( ته‌ماشاكردن ) ببیَته‌ جیَگر بۆ په‌یوه‌ندی سیَكسی سروشتی و ته‌نها له‌م رِیَگه‌یه‌وه‌ ئاره‌زوی سیَكسی تیَر بكات . هه‌روه‌ها ئه‌و كاتانه‌ زیاتر به‌ لادان ئه‌ژمار ده‌كریَت كه‌ هه‌ل و مه‌رجی په‌یوه‌ندی سیَكسی سروشتی هه‌بیَت , به‌ڵام كه‌سی لاده‌ر رِیَگا چاره‌ی ته‌ماشاكردن به‌ باشتر ده‌زانیَت بۆ وه‌رگرتن یان دابینكردنی چیَژی سیَكس . هه‌ندیَك له‌م لاده‌رانه‌ به‌ سه‌ربانی ماڵاندا ده‌گه‌رِیَن بۆ ئه‌م مه‌به‌سته‌ , یان شه‌و له‌ كون و درزی ده‌رگاوه‌ یان په‌نجه‌ره‌وه‌ ده‌رِواننه‌ خه‌ڵك , به‌ پیَچه‌وانه‌ی لاده‌ری نمایشكه‌ر كه‌ خۆی ئاشكرا ده‌كات بۆ خه‌ڵك یان رِه‌گه‌زه‌كه‌ی تر به‌مه‌به‌ستی بینینی , لاده‌ری دزه‌ ته‌ماشاكه‌ر به‌ دزییه‌وه‌ و خۆی له‌ ئاشكرا بون ده‌پاریَزیَت . زۆر جار به‌ وریای و له‌ تاریكیدا كاری ته‌ماشاكردن ئه‌نجام ده‌دات ( كه‌سیَك به‌ ناوی  ...... ؟!! , رِقی له‌ وه‌رزی زستان بوو ؟! , له‌به‌ر ئه‌وه‌ی هه‌ڵمی ئاوی گه‌رم ,  په‌نجه‌ره‌ی گه‌رماوی ماڵه‌ دراوسیَیه‌كه‌یانی ته‌ڵخ ده‌كرد و ئه‌میش نه‌ی ده‌توانی به‌ باشی , له‌شی ئافره‌تی دراوسیَیه‌كه‌یان ببینیَت له‌ كاتی خۆ شوَردنیدا , به‌ پیَچه‌وانه‌ی وه‌رزه‌كانی تر !؟  .. ) . گه‌نجه‌ لاوه‌كان لای خۆمان , دوربین و كامیره‌ی ڤیدیۆی زوم به‌هیَز به‌ كاردیَنن !؟ , له‌ گه‌شت و گوزار و سه‌ربانی ماڵه‌كانیانه‌وه‌ یان له‌ودیو په‌نجه‌ره‌ی ژوره‌كانیانه‌وه‌ , به‌مه‌به‌ستی بینینی نیَچیریَكی رِووت یان نیمچه‌ رِووت ؟!! . زۆربه‌ی نیَرو میَ توشبووه‌كان به‌م نه‌خۆشینه‌ له‌ ووڵاتانی پیَشكه‌وتوو ئه‌ندامی یانه‌ی رِووته‌كانن , له‌ وڵاتانی لای خۆمان ئه‌ندامیَتی یان سه‌ردانی مه‌له‌وانگه‌كان ده‌كه‌ن به‌زۆری بۆ ئه‌م مه‌به‌سته‌ . زۆربه‌ی توشبووه‌كانی لای خۆمان ( نیَرینه‌ و میَینه‌ ) هه‌وڵی ئه‌وه‌ ده‌ده‌ن ته‌ماشای سیَكسی ئاژه‌ڵ یان په‌له‌وه‌ر بكه‌ن ,  و به‌م ته‌ماشاكردن و بینه‌نه‌ش زۆر كه‌یفدارده‌بن , هه‌ندیَكیان چاوه‌رِوانی مانگی شوبات ده‌كه‌ن له‌ شاره‌كاندا ؟! , بۆ گویَگرتن له‌ میاواندنی پشیله‌ سه‌ركه‌ش و هه‌ڵچووه‌كان , ئه‌وانه‌ی به‌ ده‌نگی به‌رزیان نیَره‌ پشیله‌كانی گه‌رِه‌كه‌ دووره‌كانی شار ئاگادار ده‌كه‌نه‌وه‌ له‌ ئاماده‌باشییان بۆ سیَكس ؟!.  ماوه‌ته‌وه‌ بڵیَین كه‌ ئه‌م لاده‌رانه‌ كرداری توندوتیژیان لیَ ناوه‌شیَته‌وه‌ به‌رامبه‌ ئه‌و كه‌سه‌ی ته‌ماشای ده‌كه‌ن , ئه‌گه‌ر كه‌سایه‌تییه‌كی لاده‌ر نه‌بیَت به‌ره‌و شه‌رِئانگیَزی ( عدوان ) , یان ئیغتیساب , له‌م حاڵه‌تانه‌شدا زۆر جار به‌دزییه‌وه‌ ته‌ماشاكردن یان دزه‌بینین , هه‌نگاوی یه‌كه‌مه‌ له‌ زنجیره‌یه‌ك كردار و رِه‌فتاردا كه‌ ئاراسته‌كانیان و ئه‌نجامیان ده‌ستدریَژی و تاوانن . .

3. Fetishism  - پشكنه‌ر یان پشكنین , دابین كردنی چیَژی سیَكسی له‌رِیَگه‌ی , ده‌ست پیَداهیَنان یان یاری كردنی خه‌یاڵاوی به‌ ئه‌ندامیَكی جه‌سته‌ی ئه‌و كه‌سه‌ی ده‌بیَته‌ نیَچیره‌ سیَكسیه‌ خه‌یاڵاوییه‌كه‌ی , یان ده‌ست هیَنان به‌ گویَره‌وی یان كورته‌ ده‌رپیَ , بۆن ,  پیَڵاو , ئامرازه‌كانی ماكیاج .  زۆربه‌ی ئه‌م لاده‌رانه‌ش ئه‌و ئه‌ندامانه‌ی جه‌سته‌ هه‌ڵده‌بژیَرن بۆ خولیا و خه‌یاڵه‌ سیَكسیه‌كانیان كه‌ دورن له‌ ئه‌ندامه‌ سیَكسیه‌ هه‌ستیاره‌كانی جه‌سته‌وه‌ ؟! , ئه‌و دووریه‌ش له‌ جیَگا هه‌ستیاره‌كانه‌وه‌ لیَره‌دا , ده‌بیَته‌ پیَوه‌ر بۆ زانینی ئاستی لادان یان نه‌خۆشینه‌كه‌ . زۆر جار ئه‌م لاده‌ره‌ جل و به‌رگ و جانتا و پیَڵاو و شتی تر به‌كار ده‌هیَنیَت به‌مه‌به‌ستی ده‌ستپه‌رِ ؟ , پاشان ده‌یگه‌رِیَنیَته‌وه‌ بۆ خاوه‌نه‌كه‌ی , هه‌ندیَك جار ده‌یدزیَت و پاش ته‌واو كردنی سیَكس له‌گه‌ڵ شته‌كاندا ئه‌یگه‌رِیَنیَته‌وه‌ جیَگه‌ی خۆی و پاش ماوه‌یه‌ك ,  دیسان بۆ هه‌مان مه‌به‌ست ده‌یدزیَته‌وه‌ , ئه‌م لاده‌ره‌ نیَر بیَت یان میَینه‌ , مه‌رج نییه‌ خاوه‌نی ئه‌و شته‌ دزراوانه‌ یان دۆزراوانه‌ بناسیَت ؟! , ته‌نها ئه‌نجامه‌ سیَكسیه‌كه‌ی پیَ ده‌پیَكن . له‌ یه‌كیَك له‌ تاقیكردنه‌وه‌كاندا ( له‌ تاقیگای ده‌روونی ) , تویَژه‌ره‌كه‌ ویَنه‌یه‌كی وروژیَنه‌ری سیَكسی  ئافره‌تیَك , پیشانی بینه‌رانی نیَرینه‌ ده‌دات , ئه‌مه‌ش بینه‌ران توشی هه‌ڵچون و وروژاندنی سیَكسی ده‌كات , دواتر ویَنه‌ی پیَڵاویَكی ژنانه‌ نیشانی بینه‌رانی ده‌دات و یه‌كسه‌ر به‌ دوایدا هه‌مان ویَنه‌ وروژیَنه‌ره‌كه‌ی ئافره‌ته‌كه‌ دووباره‌ ده‌كاته‌وه‌ . چه‌ند جاریَك ( تویَژه‌ره‌كه‌ ) ئه‌مه‌ دووباره‌ ده‌كاته‌وه‌ , . له‌ كۆتایی تاقیكردنه‌وه‌كه‌یدا , تویَژه‌ر ته‌نها ویَنه‌ی پیَڵاوه‌كه‌ پیشانی بینه‌ران ده‌دات و بۆی ده‌ركه‌وت – پیَڵاوه‌كه‌ به‌ته‌نها به‌سه‌ بۆ وروژاندن و هه‌ڵچونی سیَكسی لای بینه‌ران !!؟ . له‌ خویَندنه‌وه‌ی میَژوی ژیان و شیكاری بۆ ئه‌م لاده‌رانه‌ ده‌ركه‌وت كه‌ له‌ پیَشینه‌یاندا.

( ماویه‌تی )

Comments (0)Add Comment

Write comment

busy
  Newer:

په‌یڤی کلیک

به‌رده‌وام به‌ له‌ ڕۆیشتن به‌ره‌و ‌سه‌ره‌وه‌ ، له‌وانه‌یه‌ تا گه‌یشتن به ترۆپك هه‌نگاوێ پتر نه‌مابێ...

په‌یڤه‌ زیندووه‌کان